Lau egunez, euskara esparru guztietara eramango dute Agurainen
"Konplexurik gabe" euskaraz bizitzeko aukera naturaltasunez egitea du helburu '75 ordu euskaraz' ekinaldiak.
Posible al da Agurainen euskaraz hitz egitea? Etenik gabe, lau egunez? Denda, taberna eta eguneroko txoko guztietan hitz egitea? Hori izango dute erronka azaroaren 8, 9, 10 eta 11n, eta horretarako lehendabiziko pausoak ematen hasi dira; ezagutzera eman eta konpromisoak batuko dituzte udazkena bitartean.
Ez da jai bat izango, ezta jardueraz beteriko lau egun ere, antolatzaileek azaldu moduan. Egunerokoan euskaraz bizi ahal izateko ekinaldia da aurkeztutakoa. "Euskarazko ohiko elkarrizketa solteak alde batera utzita, gure herria euskararen arnasgune oso bat izango da", aipatu du ekinaldiko sustatzaile Unai Olaldek. Eguneroko esparru guztietara eraman nahi dute euskara. "Lantegian, garagardo bat hartzean, ogia erostean... esperientzia kolektiboa izango da". Aurkezpena egiteko aukeratu moduan, azoka egunarekin emango diote hasiera azaroaren 8an –asteartero izaten da– eta lau egunez luzatuko dute erronka.
Konpromiso bila
Egun horien aurretik, asmoa iragarri, informatu eta taldeak prestatzen hasi dira. "Eta, garrantzitsuena, herritar eta bertako kolektiboekin harremanetan jarriko gara, horien konpromiso sinbolikoa ere eskatzeko", azaldu du sustatzaile taldeko kide Nata Lafuentek. Lehendabiziko bilera izan zuten joan den astean eta dagoeneko 65 bat lagunek eman diote babesa ekinaldiari, eta beste horrenbeste lagunen konpromisoa batu nahi dute datozen asteotan. "Aguraindarrek euren konpromisoa sinatu ahal izango dute horretarako prestatu ditugun triptikoetan", azaldu dute antolatzaileek. Konpromisoa onartzen duten guneek zigilu identifikatibo bat jasoko duten euren negozioetan jarri eta herritarrek euskaraz egiteko aukera dutela jakin dezaten. "Helburu nagusia euskara sustatzea bada ere, helmuga hurbilena herritarrek euskaraz bizitzeko euren berezko hautua gauzatzea da komunikatzen diren pertsona guztiekin, inolako konplexurik gabe", nabarmendu du Olaldek.
Hala, hainbat boluntario izango dira azarora bitartean lanean; euskaldunak ahalduntzeko eta aktibatzeko lanetan eta Agurain herria bera prestatzeko lanetan.
Araban, lehen aldiz
Euskal Herrian ez da lehenengo aldia antzeko zerbait antolatzen dutena. Kanpaina honek aurreko urteetako "15 ordu euskaraz" ekimenak ditu oinarri. Donostiako Egia auzoak, esate baterako, Aguraingoaren antzeko ekinaldia antolatu zuen, eta euren aholkuak jaso dituzte Arabako lehen esperientzia aurrera eramateko. Haiekin hasi zuten datozen hilabeteetan jarraituko duen hitzaldi zikloa.
Erronka posible dela uste dute antolatzaileek, eta lortuko dutela lau egunez euskaraz egitea, baina baita ordutik aurrera ere. "Esperientzia honek ez du amaierarik izango; gure hizkuntza ohiturak euskararen alde irauli nahi ditugu".
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra
Galiziako Oleiros udalerriko María Casares ikastetxe publikoko ikasleak dira. 12 eta 17 urte arteko 600 ikasletatik inork ez du eguneroko hizkuntza galegoa. Maiatzean erronka jo zuten hainbat irakaslek eta ikaslek: ea gai garen 48 orduz galizieraz aritzeko. 200 ikaslek... [+]
Azaroaren 23tik abenduaren 3ra bitarte egingo da 11 egun euskaraz ekimena. Eusko Jaurlaritza, Nafarroako Gobernua, Euskal Elkargoa, Euskararen Erakunde Publikoa eta Euskaltzaleen Topagunea dira antolatzaile. Beren datuen arabera,
60.000tik gora pertsonak eman du izena.
Ezohiko egitasmoa dute martxan Hernanin otsailetik: urte amaierara bitarte, orain arte dituzten hizkuntza ohiturak irauli eta harremanak euskarara ekartzeko ahaleginean ari dira ehunka herritar. Hilero, 100 norbanako gehitzen dira ekimenera eta dagoeneko 800 herritarrek baino... [+]
Nerea Redondo eta bere ahizparen asmoa triatloia probatzea zen. Hala gerturatu ziren ekainaren 23an Donostiako X. Emakumezkoen Triatloira. Epailearen hitzek harri eta zur utzi zituen: “Por mis cojones que vais a hablar en castellano”. Alegia, bi ahizpen artean... [+]
Euskaraldia, EAEko instituzio nagusi guztietan PSErekin gobernatzen duen PNVk Topagunearekin izenpeturiko akordio estrategikoa da, ez nik hala esaten dudako, beraiek publikoki 2017ko Udaltopean horrela aurkeztu eta definitu zutelako baizik. Eta Euskaraldia da PNVk, bere... [+]
Lehenengo ehun erronkalariak otsailaren 3an hasiko dira. Gaztelaniaz dituzten harremanak euskarara ekartzen saiatuko dira. Hilero ehun pertsona gehitzea da helburua. Hala, 2018an 1.100 hernaniarrek hartuko dute parte aurrekaririk ez duen erronkan.
Guk dakigula ez dute halakorik egin, baina Alberto Irazu kazetariak euskaraz egin du elkarrizketa zuzenean Radio Euskadin, ia 20 minutuko esperimentua.
Hernaniarrek errodajea dute, eta 2018ari begira pentsatu dute ez direla udazkeneko hotzen zain egongo. Urte osoan saiatuko dira 24 orduz euskaraz egiten. Euskara Ari Du elkartea sortu berri dute horretarako.
Aurten gehiegi pentsatu beharrik ez dago, zer egingo dugu bertso saioa, ginkana, txokolate jana, mosaikoa, lipduba? Horiek ere egingo dira, baina herri dezentetako herritarrek eta euskalgintzak motorrak berotuta dituzte. Kalera aterako dira egun osoz euskaraz egiteko asmoz.
Eneko Gorri (Angelu, 1983) euskaltzale militante izateaz gain Biarrizko Herriko Etxeko euskara teknikaria da. Lapurdi kostaldeko hirigintza ereduak euskal hiztunen bilakabidean duen eragin handiaz ohartarazi nahi izan gaitu: “Biarritzek hamarrez biderkatuko balu ere... [+]
Sustatzaile nagusi Euskaltzaleen Topagunea eta Eusko Jaurlaritza ditu. Xedea 2018ko udazkenean Euskal Herriko txoko guztietan herritarren hizkuntza ohiturak aldatzeko praktikak egitea da.
Establezimenduen zerrenda egin dute euskaraz aritzeko duten gaitasunaren arabera. Udazkenean, beste herri askotan bezala, derioztarrak “ahobizi” eta “belarriprest” bilakatuko dira.
Errenteria, Oiartzun, Pasaia eta Lezon 110 lagunek konpromisoak hartu dituzte euskara erabiltzeko.
Baiona, Angelu eta Miarritze artean egingo dute ekimena, azaroaren 27tik abenduaren 3ra bitartean. 450 hiztun mobilizatu nahi ditu BAM ekimenak. Antolatzaileek euskaraz “naturaltasunez eta alaitasunez” aritzeko deia egin dute.
Ekimen berria du Aiaraldeko Euskalgintza Kontseiluak esku artean: 1.000 ahobizi eta 5.000 belarriprest “armairutik" ateratzea. Euskaraz hitz egiten dakitenen eta hizkuntza ulertzen dutenen arteko zubiak eraikitzea da egitasmoaren xedea. Astebeteko lau txanda egingo... [+]