Kanpezun (Araba) egingo da elkartasun lasterketa herrikoia maiatzaren 28an. Egun osoko egitaraua antolatu dute aurten, goizean lasterketarekin hasi eta gaueko kontzertuetara.
Pandemiak eragindako bi urteko etenaren ostean, berriz ere ospatuko da Lasterbidean, kirolaren mundutik euskal preso, iheslari eta deportatuen alde antolatzen den lasterketa herrikoia. Aurten ere bi ibilbide dituzte parte hartzaileek aukeran: luzea, 9,2 kilometrokoa; eta laburra, 3,2 kilometrokoa.
Izen ematea
Lasterketa luzerako aldez aurretiko izen-ematea maiatzaren 25 arte dago zabalik, besteak beste, lasterbidean.eus helbidean. Dena dela, egunean bertan ere eman daiteke izena. Ibilbide laburrerako egunean bertan eman behar da izena.
Egitaraua
Igandean ospatu izan da Lasterbidean orain arte, baina aurten antolatzaileek larunbatera aurreratu dute zita, eta egun osoko egitaraua prestatu dute, gauera arte luzatuko dena.
