Langile bat hil da Gasteizko Michelinen lantegian, bigarrena hiru hilabetean
Ferroser enpresak azpikontratatua, Gasteizko Michelinen lantegian beharrean ari zen gizon bat hil da. Pisu handiko pieza bat gainera erori zaionean gertatu da ezbeharra. Abuztuan ere beste langile bat zendu zen lantoki berean. Hori salatzeko 24 orduko lanuzteari ekin diote.
Istripua gurpil handien sailean gertatu da. Horiei forma emateko erabiltzen den 5.000 kiloko molde bat askatu eta gainera erori zaio 30 urteko gizonari. Gasteizko Michelin enpresan zegoen lanean, Ferroserrek azpikontratatua.
Aldi baterako langilea zen. Sei hilabeteko esperientzia zuen lanpostuan, baina LAB sindikatuak azaldu duenez, behar hori “modu egokian” garatu ahal izateko “ezinbestekoa da bi urteko eskarmentua izatea gutxienez”. Prebentzio neurri nahikorik ez dagoela salatu du sindikatuak. Horrek lan istripu ugari eragin ditzakeela ere azaldu du, “zabor kontratu eta gehiago ekoiztu beharraren presioarekin batera”.
Gasteizko Michelin lantegian hiru hilabetean hil den bigarren langilea da. Izan ere, abuztuaren 1ean enpresa berean beharrean zegoen beste gizon bat zendu zen. Orotara, 48 langile hil dira aurten Hego Euskal Herrian lan istripuetan.
Michelin eta Ferrovial Servicioseko enpresa batzordeek 24 orduko lanuztea deitu dute gaurko. Tartean bi agerraldi egingo dituzte: bata ostiraleko 8:00etatik 12:00etara Michelinen lantegiko ate ondoan, eta bestea ostiraleko 13:00etan Gasteizko Correos plazan.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".