Igandez, urriaren 17an, sua piztu zen Donostiako Gros auzoko Gure Txoko tabernan. Suhiltzaileek bertako langilea oso larri aurkitu zuten biltegian eta larrialdietako zerbitzuetakoak kanpoan suspertzen saiatu baziren ere bertan hil zen.
Taberna itxita zegoen eta sua igandeko 9:00ak inguruan piztu zen. Bizilagunek deitu zieten suhiltzaileei ke asko ateratzen zela ikusi eta gero. Suhiltzaileek adierazi dutenez, ezustean piztu zen sua eta esan bazen ere sukaldean izan zela, baieztatu dute barraren amaieran piztu zela.