argia.eus
INPRIMATU
Iruñeko Landaben industrialdean azken diesel motorrak ekoiztuko dituzte

  • 2015eko krisiaren ondorioak Volkswagen taldean aldaketak ekarri ditu.

Jone Markuleta @JMarkuleta 2020ko urriaren 08a
UGTk azaldu du langileria behar bezela prestatuta dagoela garai berrietarako / eitb.eus

Bost urte eta gero, Landabengo Volkswagen instalazioak diesel motorrak egiteari utzi eta gasolina bidezko motorretara salto egin du. Multinazionalak duela hilabete batzuk hartu zuen erabakia, eskakizunen kopurua nabarmenki gutxitzen joan baita. 2015a geroztik, enpresa alemaniarrak pairatzen duen krisiaren emaitza izan da Landabengo enpresan gertatu dena. 

Txina, Alemania eta AEB izango dira motor elektrikoen muntaia eramango dutenak Volkswagenen. Gasolinaz elikatzen diren motorren alde apustu egingo du enpresak Nafarroako instalazioetan. Bertan, egun, Volkswagen markako Polo modeloetan zentratuta daude.

2015ean CO2 isurketen iruzurra azaleratzeak eragin zuen diesel motorrak egiteari uzteko erabakia hartzea; eraginkortasunean ospea lortzea eragin zien teknologiak, salmentak hondoratu zituen denbora batera.

Volkswagenek software bat instalatzen zuen bere ibilgailuetan neurketak benetakoak baino askoz onugaragarriago izateko, eta hala, berez kutsatzen zutena baino 10-40 aldiz gutxiago kutsatzen zutela ageri zen, AEBetako Ingurugiroaren Babeserako Agentziaren (EPA) arabera. Agentziak auto guztiak probatzen zituen laborategi batean, saltzeko oniritzia eman aurretik.

 

Iruzurrak ezinbestean jo zuen motorizazio mota horien salmentetan. Horren aurrean, Smart, Lexus eta Honda bezalako markek, motor hauen aurrean euren borondatezko ezabatzea iragarri zuten arren, Volkswagenek aurrera egin zuen.

 

2021erako hiru motor mota ekoizteko asmotan dabiltza Landabenen. UGT sindikatuak azpimarratu du langileria behar bezala prestatuta dagoela eta inoiz baino indartsuago sentitzen direla horrelako aldaketen aurrean.