Euskal Herriko bigarren finantza erakunderik handiena da Laboral Kutxa, Kutxabanken atzetik. 24.400 milioi euro ditu aktiboetan, 1.300.000 milioi bezero, 2.126 lan bazkide, 421 bulego –gehienak Hego Euskal Herrian– eta 2.200 langile. Bost hilabetetan 58,7 milioi euroko irabaziak lortu ditu.

"Bi kooperatibek proiektu komunaren aldeko apustua egin dute, kooperatibismoaren balio eta printzipioetan oinarritutako banka-eredua bultzatzeko ereduarekin", dio Laboral Kutxak izen berriaren harira plazaratutako oharrean (pdf).

Izenari dagokionez, semantikaren ikuspegitik, "Laboral" hitzak alderdi positiboa aditzera ematen duela dio oharrak: "Profesionala, lana, ahalegina, eraginkortasuna". Bestalde, "Kutxa" hitzak "nortasun euskalduna adierazten du zuzen-zuzenean".