La Fuga Trail lasterketa bertan behera utzi dute antolatzaileek
Iruñerriko Ezkaba mendiko San Kristobal gotorlekuko 1938ko ihes ezagunaren ibilbidea lasterketa gisa aurreikusita zuten datorren maiatzerako, baina orain iragarri duenez bertan behera utzi dute.
Joan den astean sortu zen ika-mika handia, lasterketaren babesleen artean Espainiako Defentsa Ministerioa, Espainiako Armada edota Diario de Navarra zirela jakin zenean. San Kristobal gotorlekua Espainiako Armadarena da egun ere, eta lasterketak bertatik abiatu behar zuen, horregatik agertzen zen Armada babesle gisa.
Sare sozialetan garrantzi handia hartu zuen gaiak, eta memoriaren zaintzan diharduten talde eta elkarteek jakinarazi zuten ez zela erraza ulertzea orduan preso haiek zigortu eta hil zituen armadak berak lasterketa babestea. Berdin aipatu zen Diario de Navarrari buruz, egunkari honek frankisten estatu kolpeari babesa eman ziolako orduan.
Antolatzaileek adierazi dutenez, “lasterketaren helburua zen duela 80 urte jazotako gertaerak ezagutzera ematea”, baina ez dela hala ulertu, eta atsekabez hartzen dutela gertatutakoa. Nafarroako zenbait eragile sozial, politiko eta instituzionalekin hitz egin dutela, eta batez ere memoria jorratzen duten taldeekin, eta horren ondorioz erabaki dutela proba bertan behera uztea.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Gaur gauean, urriak 17, 88 urte faxistek Jose Ariztimuño, Aitzol, hil zutena. Fusilamendu pelotoiaren aurrean ez zuela isilik gelditu nahi irakurri berri dut. Soldaduei tiro egitea kosta egin omen zitzaien, behin eta berriz agindu behar izan omen zieten su egiteko. Hala... [+]