Kultura politiko berri baten erakusleihoa
Jendetza bildu zen larunbatean Bilbon, Euskal Herriko Eskubide Sozialen Kartak sustatutako eta hamaika eragileren atxikimendua jasotako Alternatiben Herrian (160 eragile inguruk egin dute bat deialdiarekin). "Erakusten ari gara bizi gaitezkeela beste era batera, kontsumoaren alorrean, energiarenean, hezkuntzarenean, elikadurarenean...".
Gaur egungo eredu soziala gainditzeko alternatibak egon badaudela aldarrikatu zuten larunbateko ekimena prestatzeko lanean aritu diren eragileek. "Erakutsi dugu herri honetan proiektu asko dagoela, nahi dugun etorkizun hori praktikara eramatea posible dela”, esan zuen Mikel Saralegik, Eskubide Sozialen Kartaren izenean.
Askotariko ikusmoldeak elkarlanean
Alternatiba horiek esparru guztietan daude. Izan ere, Bizi! mugimenduak klima aldaketaren aurkako borrokaren testuinguruan abiarazitako Alternatiben Herrien segidan kokatu dute Bilbokoa, baina esangura zabalagoa emanez.
Hala, ingurumenari eskainitako "Natura gure gaia" guneaz gain, beste lau paratu zituzten Bilboko Alde Zaharraren inguruetan: Bizitza anitzak eta duinak; Arragoa (hizkuntza, hezkuntza eta kulturari eskainia); AuzoEKOnomia; eta Parte hartzea, demokrazia eta subirautza.
Ikusmolde askotako eragileen elkarlanaren fruitua izan da Alternatiben Herria, nabarmendu dutenez. "Eguzki sistemarekin konparatzen dut nik", adierazi zigun Mikel Saralegik, "planeta bakoitzak bere orbita du baina denak eguzki beraren inguruan". Autonomia osoz dihardu eragile bakoitzak, baina elkarlana iraunkorra izateko baldintzak ezarri dira. Beste kultura politiko bat sortzen ari da, Olatz Dañobeitia Ceballosen berbetan.
Maila guztietan burujabe izateko nahia
Alternatiben Herria antolatzeko prozesua bera aurrerapausotzat jo zuen Saralegik, egunean bertan egindako bat-bateko balorazioan: “Auzolanaren beharra sumatu da”. Egunak emandakoaz, berriz, jende asko mobilizatu izana azpimarratu zuen; izan ere, mobilizazio molde desberdinak daudela agerian utzi du ekimenak, haren esanetan.
“Maila pertsonalean, pertsonen arteko harremanetan, naturarekiko loturan, herri moduan… burujabe izateko nahia agertu dugu”, Saralegik aldarrikatu zuenez.
Argazki bilduma
Irantzu Pastorrek ARGIArentzat egindako argazkiak:
Euskal Gizarte Ekonomia Sareak emandako datuen arabera, erakunde horretan dauden enpresen kopuruak gora egin du eta fakturazioa 10.000 milioi eurotara irits liteke. Hemen hainbat irakurketa eta grafiko bat.
Euskal Herria aberatsa da, baina ez dirudi ondo banatuta dagoenik, pobrezia handia baitago. Ondorio hori atera liteke joan den astean Gaindegia behategiak publiko egindako txostenetik. Euskal Herriaren biztanleriaren %16,7, hau da, 3.124.259 lagunetik 521.751 pobrezian edo... [+]
Bestelako mundua posiblea bakarrik ez, egingarria ere badela erakutsi nahi dute larunbat honetan Bilbon antolatu duten Alternatiben Herrian. Euskal Herriko eragile sozial askoren topaleku, aurrerantzean denen artean sor ditzaketen dinamiken abiapuntu izan liteke.
Alternatiben Herriko 6 gune (5 auzo + Karpa Nagusia) nagusietako bi izango dira "Arragoa" eta "Parte hartzea, demokrazia eta subirautza" auzoak. Lehenengoak euskara eta hezkuntza jorratuko ditu: sorkuntzari, hizkuntzari eta hezkuntzari buruzko... [+]
“Gorputz eta bizi eredu ez-normatiboen esperientzien" berri emango du Alternatiben Herrixkako “Bizitza Anitzak eta Duinak” guneak. Performanceen, musikaren eta animazioen bitartez, maitasun erromantikoa, indarkeria matxista, zeinuen hizkuntza, euskara... [+]
“Natura gure gaia” da zapatuan Alternatiben Herrian izanen den auzoetako bat, Karpa Nagusia, Auzoekonomia eta beste hirurekin batera. Mota guztietako jarduerak izango dira bertan, hasi mahai inguruetatik eta parte hartze tailerretara, tartean performanceak eta... [+]
Alternatiben Herria ekimena Bilbora iritsiko da urriaren 24an. Hilaren hasieran Donibane Garazin izan ondoren, lekukoa hiriburu bizkaitarrak hartuko du.