Gauerdia baino lehentxeago izan da erasoa: enbaxadara jaurtitako molotov kokteletako bik fatxadaren aurka egin dute eta hirugarrena barrura sartu da, sutea eraginez. Funtzionarioek eurek itzali dute sutea. Kalte materialak izan dira, zauriturik ez.

“AEBetako Gobernuaren kanpainek akuilatzen dituzte halako ekintza terroristak”, kritikatu du Kubak Frantziako Estatuan duen enbaxadak. Bide berean, erasoa salatu eta AEBetako Gobernua jo du erantzule Bruno Rodríguezek.