“Kortxoeneak elkartu gaitu” adierazi dute kultur alorreko pertsona ezagunek
“Ziur aski, ez zen erraza izango beste nonbait gu guztiok elkartzea” esaldia irakur daiteke larunbat goizean Kortxoenea gaztetxearen alde kultur alorreko hainbat lagunek Donostiako udaletxean irakurri duten manifestuan. Gune autogestionatuaren biziraupena bermatzeko eskatu diote Udalari.
Maite Arroitajauregi Mursego musikariak eta Beñat Sarasola idazleak irakurri duten “Kortxoeneak elkartu gaitu” testuak Indianoenea kaleko espazioaren balioa azpimarratzen du, Donostiako kulturari bost urtetan eman diona “inpaktu sozial, kultural eta ekonomikoaren neurgailu modernoenek” nekez kalkula dezaketela baieztatuz.
Eraikina eta proiektua “egun batetik bestera eraits zitekeela” ikusteak, “modu baldar eta ez-erregularren bidez gainera”, larritu egin ditu manifestuaren sinatzaileak. “Boluntario lanean oinarriturik, guztion ongia baino ez du sustatu Kortxoeneak, urte luzez erabat abandonatua egon den leku bat biziberrituz. Zinez bizi nahi dugu hori guztia gauetik egunera interes ekonomiko partikular batzuen kariaz pikutara bota daitekeen hiri batean, gizarte batean?”.
Donostia 2016ren testuingurua
Datorren urtean Donostia Europako Kultur Hiriburu izango da eta proiektu hori gaztetxean gertatu denarekin erlazionatzen du agiriak. “Donostia 2016 proiektuarekiko eszeptiko egoteko arrazoiak falta ez baziren, Kortxoenearen eraiste saiakerak harekiko zalantzak areagotu besterik ez ditu egiten”.
Sinatzaileen ustez, Donostiak datorren urtean eta aurrerantzean “espektakuluaren kulturaren hiriburu” baino zerbait taxuzkoagoa izan nahi badu, Groseko gaztetxea bezalako proiektuak “ezinbestekoak” izango ditu.
Hori kontuan izanda, Donostiako Udalari Kortxoenearen “biziraupena berma dezala” eskatu diote. “Ika-mika alderdikoiez haratago, Donostiako kulturaren zati handixkoa dugu jokoan, galtzen direnean oinazez faltesten diren egitasmo horietako bat alegia”.
Tabakaleran ere Kortxoenearen aldeko aldarria
Ostiralean inauguratu zuten Tabakalera kultura garaikideko gunea eta bertan ere izan zen Kortxoenearen aldeko aldarririk. Berrian irakurtzen denez, Pottors ta Klito taldeak eskaini zuen kontzertuan Amaia Gabilondo taldeko abeslariak pintura gorria isuri zuen bere gorputzera eta “kultura herriarena, Kortxoenea bizirik” zioen pankarta erakutsi, kulturgunearen irekiera-ekitaldian zeuden agintarien aurrean –Markel Olano Gipuzkoako ahaldun nagusia eta Eneko Goia Donostiako alkatea, besteak beste–.
Kulturgileez gain, herritar ugarik babestu dute gaztetxea larunbat arratsaldean Bulebarretik abiatu den manifestazioan.
Heldu da Kortxoeneak epaitegietan jarri zuen salaketaren epaia: Eraikuntza enpresa absolbituta. 2015eko azaroaren 3an Donostiako Gros auzoan zegoen Kortxoenea gaztetxea desalojatu zuten aurpegian estalita eta metalezko barrak zituzten hainbat pertsonak. Ondoren, eraikina eraitsi... [+]
Astelehenean hasiko da epaiketa Donostiako Kortxoenea gaztetxea eraitsi zuen enpresaren aurka: Groseko Etxebizitzak SL. 11:30 izango da epaiketa eta gaztetxeko kideek dei egin diote jendeari epaiketara bertara ager daitezen.
Micaela Chalmeta Bartzelonako Sants auzoko kooperatibista feministaren izena daraman Big Bandak beste maila batera igo ditu Fermin Muguruzaren ibilbide osoko kantuak. Victoria Eugenia jendez eta emozioz lepo izan da bart.
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.
Asteazkenean izan du epaiketa Aritz Cevidanesek Donostian, Kortxoenea gaztetxearen desalojoan eraso egin zioten segurtasun enpresa pribatuko kideen aurka salaketa jarrita. Beste salaketa batzuk ere jarri zituzten gaztetxeko kideek, ilegal gisa definitzen duten desalojoa gauzatu... [+]
Efemerideak gugan zauriak direlako. Hala kantatu zigun Anarik, joan den urteko urrian Kortxoenean eman zuen kontzertuan. Bai, gaurkoan bederen, efemeridea zauriak dira guretzako.
Kortxoeneako hustearen ondoren iritsi diren isunei aurre egiteko jaialdia antolatu dute Donostian. Urriaren 28an, ostirala, ospatuko da Doka antzokian, 20:30etatik aurrera.
Luxuzko etxe-agentzia bat eta Desokupa, Europa ekialdeko milizianoek eta arte martzialen borrokalari faxistek osatutako «etxe-kaleratzeen enpresa» bat, elkar hartuta dihardutela salatu du kanpaina batek.
Eta konturatzerako 2016an gaude, Europako Kultur Hiriburua da Donostia, gertakizunak urte osoko titularrak beteko ditu. Foku handitik kanpo ere kultura asko dago, dena den. Eta hor mugitzen denak ibilbide luzeagoa izango du segur aski urteko ebentoak baino.
Kortxoenea gaztetxeko kideek prentsaurrekoa eman dute, adierazteko Udalarekin egiten ari diren bilerak “antzuak” direla. Grosen eraitsi zuten gaztetxeko kideek, Zemoria kalean hutsik geratuk den eta Udalarena den eraikina prozesu parte hartzaile baten bidez... [+]
Protesta ugari eragin zituen Kortxoenearen aurkako operazioak eta behin eraitsita ere, askoren imaginarioan jarraitzen duela dirudi. Horren erakusgarri da inauterietan gaztetxea berriz martxan jarri izana.
Interes politiko oinarrizkoena jabego pribatuaren balioen defentsa denean, jabego pribatuen interesek gidatzen dituzte botere erakundeak; baita erakundeok publikoak badira ere. “Udalari dagokiona da eraiste baimena eskatzen denean baimen hori ematea, hori ez da aukerakoa... [+]
Hustu. Eraitsi. Eraiki. Espazioa eta bere ekoizpena, munduko ekonomiaren azken hedapen zikloan jarduera gakoa izan dira. Bestela esanda, kapitalismo globala espazioaren ekoizpen eta suntsiketa prozesuaren bidez ahalegindu da berezko dituen kontraesanak gainditzen. Eta... [+]