Korsikako hauteskundeetan gehiengo osoa lortu ondoren, Pè a Corsica koalizioak –Femu a Corsica autonomistak eta Corsica Libera independentistak osatua– Frantziako Gobernuarekin harreman berria gauzatzea helburua dauka. Koalizioko zerrendaburu Gilles Simeonik adierazi duenez  “ezinbestekoa da Parisekin hitz egitea".

Macronek Pè a Corsica koalizioa zoriondu du, erdietsi duen garaipena dela eta, antza, gobernu frantziarra elkarrizketarako gertu dago. Simeonik gustura hartu ditu presidentearen hitzak, baina “protokolozko adeitasunaz” harago joateko ordua heldu dela adierazi du ere: “Estatuarekin benetako elkarrizketa izateko garaia da”.