Italiako Gobernuak koronabirusa dela eta hartu dituen neurriak herrialdeko 27 kartzelatako presoen matxinadak piztu ditu. Italiar guztien mugimendu askatasuna murriztu du, presoei familiako kideen bisitak debekatuz. Horrez gain, birusaz kutsatuta dauden funtzionarioak daudela salatu dute, eta ez dela neurririk hartu espetxeen barruko hedapena saihesteko.
Sei hildako utzi dituzte altxamenduek, horietako hiru gaindosiz, Modena hiriko presondegiko farmaziara sartu ondoren. Verona eta Alessandrian izan dira beste bi heriotza, eta azken hildakoaren kokapenik ez dute eman, segurtasun arrazoiak argudiatuta. Bitartean, Foggia hiriko kartzelatik 370 presok egin dute ihes, 70 atxilotu badituzte ere, beste 300 oraindik ihesean daude.
Footage of a collective prison break in #Foggia, Italy. #firetotheprisons #rivoltacarceri pic.twitter.com/dBFOfSWPkU
— B r e a k a w a y (@Breakaway_chi) March 9, 2020
Carabinieriek dendak zarratzea gomendatu die Foggia inguruetako dendariei, segurtasunagatik. Horrez gain, Berlusconiren alderdi ohi Forza Italiak militarren parte hartzea eskatzen ari da. ISCResearch Nazioarteko Segurtasun eta Gatazken Ikerketarako taldeak militarrak Palermoko (Sizilia, Italia) espetxearen inguruetara mobilizatu dituztela jakinarazi du.
Revolt ignites 27 prisons in #Italy so far: armored troops mobilized around jail in #Palermo#carcerinrivolta #amnistia pic.twitter.com/O12nTeY3So
— ISCResearch (@ISCResearch) March 9, 2020
Martxoaren 22ra arte debekatu dizkiete presoei familiako kideen bisitak, herrialde osoko biztanleen mugimendu askatasunaren gaineko debekua dela eta. Presoek, protesta aprobetxatuz, beste eskari batzuk ere egin dituzte; zentroetako preso kopurua jaistea edo berrogeialdia beren etxeetan pasatu ahal izatea kasu.