Koop57k adierazi duenez, "horrelako proiektu komunitarioen alde egiten dugu, eragin positiboa baitute sare sozial eta aktibistetan, bai tokian tokikoetan eta baita beste lurralde batzuetara begira ere. Katakrak Koop57ko bazkide da orain eta horrek, beste eredu ekonomiko eta sozialak bultzatu nahi dituzten pertsonez eta kolektiboz osatutako sare bateko partaide bihurtzea esan   nahi   du.   Burujabetza   ekonomikoa   gauzatzea   eta,   aldi   berean,   etekinen maximizazioaren ordez, pertsonak, ingurunea eta lurraldea aintzakotzat hartzen dituzten eredu finantzarioak bultzatzea". Izan ere, Koop57   zerbitzu   finantzario   etiko   eta   solidarioak   eskaintzen   dituen   kooperatiba   da.

Katakrak proiektu eraldatzaileak bi ardatz

Elkarlanaren berri eman dutenean, Katakrak-ez zera nabarmendu dute: "Proiektu autonomoa da, diru-laguntzen menpe ez dagoena eta kolektibo askoren topaleku bihurtu dena". Eraldaketa soziala bultzatu nahi dutela azaldu dute eta bere jarduerak bi ardatzetan oinarritzen dituela: "Liburuak,   eztabaida   ideologiko   eta   politikoak   sortzeko tresna gisa, eta elikadura burujabetza".

"Espazio   autonomo   eta   antikapitalista   bat   kudeatzen   duela" gehitu dute, irekia dena kolektibo eta pertsona desberdinen erabilera sozial eta kulturaletarako.

Mailegu honekin jabetza eskuratuko duen eraikinak kantina, liburu-denda, argitaletxea eta ekitaldi-aretoa ditu.