“Kontzientzia eskuratu, iraultza antolatu” jardunaldiak Irurtzun, Leitza eta Larraunen
Datorren apirilaren 28tik eta ekainaren 23a arte Irurtzun, Leitza eta Larraunen hamabi ekitaldi egingo dira “Kontzientzia eskuratu, iraultza antolatu” goiburupean. Hainbat gai jorratuko dituzte, esaterako, kapitalismoaren krisia, independentzia, Kataluniako esperientzia edo generoa.
Hamabi ekitaldi horietatik gehienak hitzaldiak dira, Leitzako Atekabeltz gaztetxean, Irurtzungo kultur etxean eta Astitzeko Aterpetxean egingo dira. Ekainaren 9an bazkaria ere egingo dute Leitzan eta 23an manifestazioa. Goiko kartelean ikus daitezke hitzaldien tokiak eta gaiak.
Ekitaldiak diren egunetan, ordu erdi lehenago geldituko dira Leitzako Atekabeltz Gaztetxean, Irurtzungo Pikuxarren eta Lekunberriko frontoian, autoak baliatu eta elkarrekin joan ahal izateko.
Antolatzaileek Maiatzaren 1ren harira ondoko idatzian kokatu dituzte jardunaldiak:
“Zientzia historikoak frogatzen duen bezala gizakia ez dela Lurrean betidanik egon, materialismo historikoak frogatzen du harreman sozial kapitalistak ere ez direla ahistorikoak. Hala, esklabutzan esklabuek eta feudalismoan basailuek zuten klase zapaldu posizioa langileriak du sistema kapitalistan.
Langileak gara egunero soldatapeko lanaren bidez gure kateak birsortzen ditugunak, egoera hobean edo hilabete amaierara iritsi ezinik gutxi batzuk aberasteko lan egiten dugunak, gure bizitzaren gaineko kontrolik izateko bitartekorik ez dugunak, desjabetuak.
Marxek esan zuen bezala historiaren motorra klaseen arteko borroka da eta historiak berak erakutsi digu zuzen zegoela. 1871ko Pariseko komuna, 1886ko Maiatzaren 1eko Chicagoko erailketak, 1917ko Iraultza Boltxebikea zein azken bostpasei hamarkadetan Europan, Latinoamerikan eta nola ez, Euskal Herrian egindako borrokak, burgesiaren eta langile klasearen arteko talkaren adibide dira. Bere boterea edozein modutan areagotu nahi duen klase burgesaren eta bere bizitzaren jabe izan nahi duen langile klasearen arteko borroka.
Borroka, beraz, botere burgesaren suntsipenean, gaindipenean, eta langile boterearen antolaketan, eraikuntzan, zentratu behar da. Izan ere, zapalduon existentzia oinarri duen sisteman ezinezkoa da zanpatu, bortxatu, iraindu eta salerosten gaituzten kateetatik askatzea. Gure aukera bakarra gure bizitzaren esparru guztiak kapitalaren dinamikatik at eraikitzea da, langile klasearen garapen erreala gauzatzea. Ezinezkoa baita botere burgesaren baitan klase zapaltzailearenak soilik diren eskubide, aukera, eta gaitasunak eskuratzea. Ezinezkoa baita burgesiaren diktadurapean aske izatea.
Horregatik dei egiten diogu langile orori askatasunaren alde borrokatzera. Jabetza pribatuaren ukapenetik jabetza komunalaren eraikuntzan parte hartzera. Bete ditzagun edukiz borroka eta iraultza! Izan dadila Maiatzak 1 kontzientzia eskuratzeko eta iraultza antolatzeko aitzakia!"
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
Milaka lagun bildu dute Indarkeria Matxistaren Kontrako Egunean deitutako manifestazio eta elkarretaratzeek. Gizon, hedabide eta erakundeei zuzendu zaie Mugimendu Feminista.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 310.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Azaroaren 20an Donostiako Le Bukowski tabernan abiatuko dute elkarlanean egindako jaialdia. 40 artista, aktibista, pentsalari eta kolektibok hartuko dute parte. Amaiera Gasteizen izango da, ZAS espazioan.
Korrika kari, 36 migratzaileri muga trabeskatzeko laguntza bideratzeagatik epaituko dituzten zazpi ekintzaileei elkartasuna adierazteko batu dira hainbat eragile J´accuse [Salatzen dut] kolektiboan. Urtarrilaren 26an eginen dute manifestazioa Irungo Ficobatik Hendaiara... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Egin berri dira Euskal Herriko Emakume* Abertzaleen Topaketa Feministak, azaroaren 16an, Laudion. Trantsizio feminista dimentsio guztietan lelopean 500 feminista elkartu ziren. Egun osoz amets egin zuten, utopiak lortzeko bidea marrazteko eta mugimenduko kideak ilusioz betetzeko.