Jai zale tabernan “bulegoa” prestatuko dute. Kexa eta iruzkin ereduak prestatuta izango dituzte, besteak beste Elebideri eta Behatokiari bidaltzeko.
Tabernan elkartuko diren gazteek eta mediku-erizainek "kexa poteoa" deitu diote ekintzari. Osakidetzan hizkuntza eskubideak errespetatu daitezen ezarri beharreko kexak ahalik eta errazen egitea da haien helburua. Martxoaren 13an 14:00etatik 19:30era bitartean herriko kaleetan dabiltzanek Jai zale tabernatik pasa eta kexa orriak betetzeko aukera izango dute.
Menu zabala prestatu dute poteoaren antolatzaileek. Kexa eta iruzkin ereduak idatzita dauzkate odol analisiak euskaraz eskatu nahi badituzu, edo historia klinikoa euskaratzea nahi baduzu. Osasun arreta maila guztietan (mediku espezialistak ere bai) euskaraz izatea nahi baduzu kexa eredua prest izango duzu, baita paziente gisa zure lehentasunezko hizkuntza euskara izatea nahi duzula eskatzeko orria ere. Behatokiari, Elebideri, Sendagileen Elkargoari eta Osakidetzak eskualdeka dituen zuzendaritzei bidaliko zaizkie. Tabernan bertan prestatuko dira herritarren kexak, gero bidaltzeko.
3.000 kexa lortzea helburu
Osasun zentrora gerturatutakoan sarri uzten dira bigarren mailan hizkuntza eskubideak. Pattal gabiltzalako, zer daukagun ez jakin eta kezkatuta gaudelako… nahikoa lan geure buruarekin. Osakidetzaren egitura konplexuak ere ez du batere laguntzen hizkuntza eskubideak urratzen direnean kexa nola bideratu asmatzen, eta helburua lortzen.
2013. urtean adibidez, Elebidek 359 kexa jaso zituen. 228 kexa zerbitzu publikoei lotuta zeuden, eta horietako 20 baino ez ziren osasun arlokoak. Antolatzaileetako bat da Aitor Montes Lasarte medikua eta hark adierazi duenez, 2015ean, Arrasateko bilketa modua erabiliz edo bestelako moduez, 2.000-3.000 kexa lortu nahiko lituzke. Herritarren presioa, eskaria, eskaintza bihur daitekeelako.
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Duela egun batzuk, Donostiako epaitegiko epaile batek Udaltzaingorako bi lanpostutarako euskararen B2 hizkuntza eskakizuna eskatzea baztertu zuen. Epaile berak, aldi honetan, Donostiako Udalaren erabakia babestu du, eta adierazi du Digitalizazio Kartografikoko bi udal... [+]
Euskalgintzaren Kontseiluak eta beste eragile ugarik datorren larunbatean Bilbon deituriko manifestazioarekin bat egin du Gasteizko Legebiltzarrak EH Bildu eta EAJren sostenguarekin.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Euskarafobia legalaren historia legez lege eta arauez arau aztertu du Iñigo Urrutiak (1966, Jatabe-Maruri), Xabier Irujorekin batera. Horren emaitza da Historia Jurídica de la Lengua Vasca (1789-2023) liburu mardula. Irujo atzerrian zegoenez, Urrutiarekin mintzatu... [+]
Bizikletako martxak eta topaketak antolatu dituzte, euskarak Lanbide Heziketan duen presentziaren inguruan hausnartzeko eta aurrera egiteko proposamenak elkarrekin adosteko.