Katalunian gomazko pilotarik ez, baina munizio “sendoa” bai
Kataluniako mossoek gomazko pilotak erabiltzeari utziko diote, CIUk hala erabakita. Ramon Espadaler Barne sailburuak azaldu du pilotak “bezain sendoa” den munizioa erabiliko dutela aurrerantzean.
Espadalerrek Kataluniako Parlamentuaren aurrean jakinarazi duenez, aldaketa “graduala” izango da, ez “bat-batekoa”.
RAC1 irratiak egindako elkarrizketan, sailburuak esan du pilotak kendu arren, “mobilizazioetako muturreko biolentzia unetan” ez dela aldatuko liskarren kontrako mossoen unitatearen jarrera. –Erabakiari buruz Orden Publikoko Batzordeak kaleratutako txostena hemen irakurgai–.
Ara.cat egunkariak dioenez, poliziak jaurtigarri biskoelastikoak erabiltzen hasi daitezke, piloten ordez.
Kataluniako Parlamentuaren aurrean, PSC, ICV-EUIA eta CUP alderdiek gomazko pilotak debekatzeko eskatu zuten, Ester Quintanak begi bat galdu zuenean pilotaka baten ondorioz. Horrez gain, Esquadra Mossoetako zuzendari Manel Praten dimisioa ere exijitu zuten.
CIUk, baina, pilotak debekatzeko eskaerari baino ez dio jaramonik egin, eta Prat ez du kenduko haren postutik.
Pozik, baina mesfidantzaz
Ester Quintana mesfidati azaldu da, RAC1 irratian egindako adierazpenetan: “Poliziaren prozedura aldatzen ez bada, pilotak beste zer edo zerrengatik ordezkatuta ere, berdin-berdin egongo gara”.
Stop Bales de Goma kolektiboko kide Nicola Tannok gizarte mugimenduen “garaipentzat” jo du erabakia, RAC1ko elkarrizketan. Nola nahi ere, salatu du poliziek beste arma batzuk erabiliko dituztela jakiteak “oso lasai” ez dituela uzten.
CUPeko David Fernandezek ere ontzat jo du neurria, baina ez da ordezkapen materialarekin fio. Aldaketa orokorragoa proposatu du CUPek; brigada mugikorrak desagertu, eta polizia eredua aldatu behar dutela esan du.
Mossoen munizioa aldatzeko erabakiaren kontra azaldu da, ordea, Kataluniako alderdi popularra. Adierazi duenez, pilotak kenduta, segurtasun indarrek “ezingo dituzte ziurtatu herritarren eskubideak eta askatasunak, ezta haien babesa ere”.
Gomazko pilotak, zenbakitan
Espainiako estatuan piloten harira zauritutakoen zenbaketa egin du Stop Bales de Goma taldeak. Haren arabera: Trantsizio garaitik, 9 pertsona hil dituzte gomazko pilotekin; 26 pertsonak begi bat galdu dute; eta 30 pertsonari zauri sendaezinak egin dizkiete.
Stop Bales de Goma taldeak egindako bideoa:
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera... [+]
Rosi Zarra donostiarra 1995eko ekainaren 30ean hil zen, 58 urterekin, Ertzaintzaren gomazko pilota batek sabelean jo eta zortzi egunera. Amara Berriko Bakearen Usoaren aurrean zauritu zuten, protesta batean istiluak sortu zirenean. Ertzaintzak ikerketa bat abiatu zuen Zarraren... [+]
Kataluniako poliziak inoiz izan duen "barne-ikerketarik handiena" izango dela adierazi du Kataluniako Gobernuko bozeramaile Meritxell Budók, El Mon hedabideak argitaratu duenez.
Oso gertutik jaurtitako pilota baten ondorioz begi batetik erdi itsu geratu zen Aingeru Zudaire gaztea 2012an, greba orokor baten testuinguruan izandako protestetan. Orain, Nafarroako Lurralde Auzitegiak absolbitu egin du pilotakada eman zion Espainiako Polizia.
Espainiar zein Frantziar burges diktadurei adierazpen askatasunak kalte egiten dienean, adierazpen askatasuna eta manifestazioak egiteko eskubideak debekaturik daude Euskal Herrian. Zer esanik ez, faxista ikusgarrienei babesa emateko bada, edozein gaia izanda ere. Matxinada... [+]
2017ko urriaren 1ean Espainiako Poliziak tirokatutako pilotakadaren ondorioz begietako bat galdu zuen Roger Españolek. Iridia zentroak jakinarazi du tiroa egin zuen polizia identifikatu duela. Datuak Bartzelonako epaitegiaren esku jarri ditu.
5 urteko kartzela zigorra eskatzen du Aingeru Zudaireren akusazioak Espainiako poliziaren kontra, gertutik tiro egin zuela argudiatuz. Fiskaltzak aldiz,absoluzioa defendatu du, polizi oldarraldia neurrikoa izan dela defendatuz. Zudairek azaldu duenez, 2012ko greba orokorraren... [+]
Christophe Castaner Frantziako Barne ministroak iragarri duenez, gomazko pilotak tirokatzeko armak erabiltzen dituzten polizia-agenteak larunbat honetatik aurrera bideo-kamera ere eramango dute, arma horiek nola erabiltzen dituzten erregistratuta gera dadin.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.