Kaskarotenea: Eta orain zer?
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian: “Badakit nondik etorriko diren. Autobusak etorriko dira Espainiatik. Ez dira ziburutarrak”.
Espainiatik, aizue. Zeinen argi uzten duten Guy Poulouren hitzek beharrezkoa dela Ziburuko ikastola, beharrezkoa bertako haurrak euskaraz eta Euskal Herria oinarri duen kulturan eta baloreetan heztea, nazio izaera (eta hizkuntza) ukatzen diguten bestelako hezkuntza ereduen aurrean. Baina ez du erraza izango Kaskaroteneak, legea alde duelako auzapezak; Hendaia eta Beskoitzeko ikastolak jomuga izan zituen lege bera. Ikastetxe pribatuak diru eta azpiegitura publikoz laguntzea debekatzen duen Falloux Legeak dirauen bitartean, legeak ez euskara ez ikastolak aintzat hartzen ez dituen bitartean, aitzakia paregabea dute Seaskaren proiektua eraso nahi duten politikariek.
Ez, ez du erraza Kaskaroteneak. Egoerak ez du desblokeatzeko itxurarik eta muturrera eramanez gero, eztanda egingo du alde batera edo bestera. Hutsik dagoen eraikin publikoa ez dio ikastolari utzi nahi Herriko Etxeak, eta auzapezak proposatu dien etxola kaskarrera ez dute joateko asmorik ikastolako irakasle-ikasleek. Hala ere, alternatiba errealen gainean negoziatzeko prest agertu dira ikastolako arduradunak, eta ikusteke dago auzapezak ere akordio duin bat adosteko borondaterik agertzen duen. Oraingoz, entzungor egiten die azaroaren 8an “ikastolak ez hunki” eskatu zuten milaka lagunei, “legea zuena bada ere, arrazoia gurea da” Paxkal Indo Seaskako lehendakariaren hitzei. Azken finean, Espainiatik etorritako autobusak ziren.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.
Ziburuko udaletxeko batzarrean, Guy Poulou auzapezak Ziburu Biziko zerrenda buru Eneko Aldanari mehatxu egin dio: "Eskopeta batekin joan eta tiro egiteko gogoa daukat". Bideoz ikus daiteke unea, 2:23:00 unean.
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Berriak argitaratutako elkarrizketan hitz adierazgarriak atera dizkio Guy Poulou Ziburuko auzapezari Nora Arbelbidek. Euskararen eta ikastolen aldekoa dela dioen arren, ez du “betebehar moralik sentitzen” Kaskaroteneari herri barruan leku bat uzteko.
Ziburuko auzapezak Zaldi Xurito auzoko eraikina proposatu dio Kaskarotenea ikastolari. Jon Bergarak bertako irudiak bildu ditu bideo honetan. Inguru heze eta aldenduan kokatzen da, eta autoen zarata etengabekoa da, autobidetik hurbil baitago.
Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.
Laida Mujika Ziburuko Kaskarotenea ikastolako zuzendaria da. Haurrak Marinela gunetik kanporatu nahi ditu Ziburuko auzapezak. Egunero 100 euroko isuna ordaintzeaz gain, argindarrik gabe daude orain. Denbora gutxian zenbat gertakari jazotzen diren ikusita, “astez aste... [+]
Zorrak eta isuna ordaintzen laguntzeko, 10.000 euro bideratuko ditu Udalbiltzak Kaskarotenea ikastolarentzat Euskal Garapen eta Kohesio Funtsetik.
Esku-argi edo linternekin eta kandelekin argitu dituzte Ziburuko ikastolako gelak, Guy Poulou auzapezak argindarra moztu ostean. Leku egoki bat aurkitu arte ez direla bertatik mugituko esan du Laida Mujika zuzendariak. Larunbateko manifestazioari garrantzia eman diote Seaskatik.
Guy Poulou Ziburuko auzapezak bere hitza bete eta argindarra moztu dio Kaskarotenea ikastolari.
Ziburuko ikastolako kideei ohar bat igorri die Guy Poulou auzapezak, Marinela gunean jarraitzen badute, “indar publikoen laguntzarekin” kanporatzeko prest dagoela adieraziz.