Karlos Zurutuza ARGIAko kolaboratzailea eta Borja Portuondo Lekeition saritu dituzte
Larunbat arratsean Lekeitioko XXXII. Euskal Zine eta Bideo Bilerako sari banaketa izan zen. Bi izan dira dokumental profesionalen alorrean irabazleak: ARGIAko kolaboratzaile Karlos Zurutuzak eta Borja Portuondok ekoitzitako Irakeko kurduak, bizitza bazterbidean lana eta Jon Garañoren Asamara.
Karlos Zurutuzari elkarrizketa egin diogu dokumentalaren nondik norakoez.
Nola sortu zen dokumental hau egiteko ideia?
Kurdistanen hainbatetan izana naiz, eta bidai horietako askoren fruitua ARGIAn bertan argitaratu izan dugu. 2007an, Borja Portuondo, Urtzi Urrutikoetxea eta hiruok Kaukasora bidaia egin genuen, eta lehen aldiz kamara munduarekin izan nuen harremana. Iaz pentsatu genuen Hego Kurdistanera bidaia egitea, eta Borjari ideia ona iruditu zitzaion aurretik eginda zegoen lana bideoan jasotzea.
Zenbat denbora egin zenuten han?
Joan aurretik kontaktuak lotu eta hilabete egin genuen “jo-ta-fuego”. Gutxi da, baina pentsa istorio horiek urteetan egindako lanaren fruitua direla.
Erraz ikusten den dokumentala da...
Puskaka doan dokumentala da. Bertakoek beren historia konta dezatela saiatzen naiz beti, eta orain ere gauza bera egin dugu, beren testigantza ezberdinak eman ditzaten saiatu.
Amaieran esperantza islatzen duzue...
Duintasun handia duen herria topatu dut han izan naizen guztietan. Edozein egoerari aurre egiteko prest dagoen herria. Errefuxiatu gune bateko umeekin amaitu dugu dokumentala. Kanpin dendetan bizi den komunitatea, Irakera errefuxiatu joan den komunitatea –horrek dena esaten du–, eta hala ere, dantzan ikusten dira, txukun-txukun jantzita. Sekulako duintasuna dute.
Zer iruditu zaio paperean lan egitera ohituta dagoen kazetari bati, dokumentalgintzan aritzea?
Formatua ikaragarri gustatu zait, oso konpletoa. Nik ez dut neure burua dokumentalistatzat ikusten, eta garbi utzi nahi nuke Borja Portuondo eta bion lana izan dela. Nere iritziz, egun dokumentalistek betetzen dute mediaren hutsunea, eta adibiderik garbiena Afghanistangoa da. Han zenbait kontu dokumentalistek bakarrik kubritzen dituzte, hedabideek utzitako zuloa betez.
Lekeition ikusterik izan ez dutenek, beste aukerarik izango al dute Irakeko kurduak, bizitza bazterbidean ikusteko?
Asmoa istorio hau zabaltzea da. Kultur-etxeetan eskaintzen ari gara, guretzat oso pozgarria baita jendeari hango egoera helaraztea.
Lehen dokumentala egin, eta lehen saria! Ikus-entzunezkoetara salto egiteko tentaziorik?
Jakina. Urtarrilean berriro goaz hara. Irakeko hauteskundeak direla eta dokumental ezberdin bat egitea da asmoa, osatuagoa. Freelance baten etorkizuna ikus-entzunezkotan dagoela iruditzen zait.
[Bestalde, amateurren sailean aurkeztutako Iban Gorritiren Kantatzen ez duen herria, herri hila da filma izan da lehiaketa osoko irabazlea. Argumentuzko lanetan, Nahikari Beltzaren Azkena, Segundo film laburrak irabazi du amateurren mailan, eta epaimahaiak ez du profesionalen artean saririk eman. Sormenezko filmetan, Aitor Zugadiren Nola egin beldurrezko peli bat izan da amateur onena, eta David Zabala eta Paul Urkijoren Kristal kolpatuak, Governors taldea profesional onena].
Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Lineal A duela 4.800-4.500 urte erabilitako idazkera minoikoa da. Berriki, Kretako Knossos jauregi ezagunean, bolizko objektu berezi bat aurkitu dute, ziurrenik zeremonia-zetro gisa erabiliko zutena. Objektuak bi idazkun ditu; bata, kirtenean, laburragoa da eta aurkitutako... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]