“Kalitatea eta segurtasuna” lehenesten duen jangela-eredua eskatu dio LABek Lakuari
Sindikatuak adierazi du Hernani eta Duranako ikastoletako jantokietan izandako “gorabeherak” ez direla “gertakari bakan batzuk”. Lakuako Hezkuntza Sailari eskatu dio jangela-eredua aldatzeko prozesuari ekiteko.
LABek neurriak hartzeko eskatu dio Lakuako Hezkuntza Sailari, ez dadin errepikatu Hernani eta Duranako ikastoletako jangeletan gertatutakoa. Sindikatuak adierazi du “janariaren kalitatea eta segurtasuna lehenesten dituzten jangelak” nahi dituela, “lan-baldintza duinekin”, eta “ikasleen beharrak erdigunean” jartzen dituztenak.
Serunion enpresa aritzen da jangeletako menua eskaintzen Hernaniko Langile eta Duranako Ikasbidea ikastoletan. Enpresaren jantoki-zerbitzuan “kalitate” arazoak direla salatu du sindikatuak.
Gauzak horrela, erantzukizuna Eusko Jaurlaritzarena dela azpimarratu du LABek , zehazki Hezkuntza Sailarena: “Zer espero dugu lizitazio batzuetatik zeintzuetan ikasleen elikadurarekin eta jangeletako langileen lan-baldintzekin merkantilizatzen den?”. Halaber, nabarmendu du jangelaren kudeaketa “eskaintza ekonomikorik merkeena aurkeztu duen enpresak” lortzen duela.
Hezkuntza sailaren neurriak
Hezkuntza Sailburu Jokin Bildarratzek azpimarratu du “kasu larrienak” aztertzen ari direla, eta neurriak hartzen ari direla “berriro gerta ez dadin”. Enpresak EAEko 417 ikastetxetatik hamazazpi zentrori ematen die zerbitzua, eta Bildarratzen esanetan, “ohartarazpen batzuk” egin zaizkio.
Arazoak egon dira hainbat ikastetxetako jangela zerbitzuan: Galdakaoko Gandasegi eta Urreta ikastetxeak, Andoaingo Ondarreta, Mungiako Legarda, Lezoko Herri Eskola eta Orozkoko eskolan.
Beskoitzeko ikastola txiki geratu dela, baina zentroa handitzeari Herriko Etxeak oztopoak jartzen dizkiola aspalditik salatzen du ikastetxeak. Gatazka honen erdian, Herriko Etxeak deliberatu du 3 urteko umeak ezin duela ikastolako kantinan bazkaldu. Protesta deitu dute astearte... [+]
Eskolak irekitzen diren bitartean, jantokiko beka zeukaten ikasleek elikagaiak jasoko dituzte, bai elikagai loteen bidez edo dendetan erosketak egin ahal izateko txartelen bidez. Banaketa hau bideratzen dutenak hauek dira, elkarlanean: Gurutze Gorriko boluntarioak, Hezkuntza eta... [+]
Beterri-Buruntza eskualdeko sei udalek martxan jarri duten proiektua da Beterri Km0. Tokiko produktuen kontsumoa bultzatuz lehen sektorea indartzea eta ekoizle berriei aukerak zabaltzea dute helburu. Urtaro bakoitzean eskualdeko herri batean festa eguna antolatuko dute produktu... [+]