Joxemi Bidadorren omenezko pastorala egingo dute Iruñean
Joxemiel Bidador, Iruñeko euskaldunak pastorala aurkeztu dute Iruñeko Duguna dantza taldeak eta Zaldiko Maldiko, Euskaldunon Biltoki eta Karrikiri elkarteek. Lehenengo emanaldia urriaren 10ean egingo dute, Burgoen plazan.
2010ean hil zen Joxemiel Bidador, historialari, filologo, dantzari, ikertzaile, irakasle eta idazle iruindarraren omenez antolatu dute ikuskizuna. Iruñeko euskalgintzaren ikurretako bat izan zela-eta, antolatzaileek Bidadorren pertsonaren bidez Iruñeko euskaldunak omendu nahi dituzte: “Bere obraren bidez, gutxik bezala agerrarazi baitzuen Iruñeko euskaltzaleen izaera organikoa eta kolektiboa”.
Iruñean ekoizten den lehengo pastorala da eta guztira laurogei lagun inguruk parte hartuko dute musika, antzezpen eta ekoizpen lanetan: “Denak amateurrak". Gidoia Jon Alonsok idatzi du, kantuak Mixel Etxekoparrek sortu ditu eta zuzendari lanetan Aritz Ibañez eta Ihitz Iriart ari dira.
Zuberoako pastoraletan oinarrituta badago ere antzezlanak berezitasunak ditu. 105 minutuko iraupena izanen du ikuskizunak. Tuterako Erraldoien konpartsak eta San Lorentzoko Dantzanteek ere hartuko dute parte gonbidatu moduan.
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Julia Fernandez Zabaleta emakume aitzindariaren bizitza ezagutzera ematen duen pastorala larunbatean estreinatuko da, San Frantzisko eskolako jolastokian.
Aurtengo urtea emankorra izango da pastoralei dagokionez, lau pastoral emango baitira; bi Zuberoan eta beste bi Zuberoatik kanpo: Iruñean (Nafarroa) eta Xarneguko (Lapurdi-Nafarroa Beherea) zonaldean. Gure herriko lau historia ezagutaraziko dira oholtzan antzerki,... [+]
Urriaren 15ean eta 16an izango dira emanaldiak, Zugarramurdiko leizeetan; Xareta eskualdean lehenengoz egingo da pastorala.
Erabakita dute zuberotarrek datozen hamar urtetako pastoralak eta hiru urtetako maskaradak zein herrik emango dituzten, eta zerrenda luzatzen doa urtetik urtera. Hilabete honetan gehitu dira, adibidez, Lakarri-Altzaiko herritarrak. Martxoaren hasieran Xiberoko Boza Irratian... [+]