Torturatuak izan diren pertsonentzat "aitortza publikoa" eskatu du Egiari Zor fundazioak igandean Zizurkilen egindako ekitaldian, Naiz-ek jaso duenez.

Ofizialki dokumentatu diren tortura kasuak 5.379 diren arren, kasu gehiago daudelaazpimarratu dut; hasteko, Ipar Euskal Herriko herritarrak falta dira kontaketan. “Denok dakigu torturaren benetako dimentsioak zenbaki horiek gainditzen dituela eta zenbaki batzuen haratagoko eragina izaten jarraitzen duela”, nabarmendu dute.

“Sekula zigortu gabeko krimen sistematiko baten aurrean gaude, urte luzez aurrera eraman dena Polizia Nazionalaren, Guardia Zibilaren eta Ertzaintzaren komisarietan”, esan dute.

43 urte

1981eko otsailaren 13an, Joxe Arregi Izagirre ETAko kidea hil zen Carabanchelgo espetxeko ospitalean torturen ondorioz. Madrilgo Segurtasun Zuzendaritza Nagusian bederatzi egunez torturatu zuten.

Zizurkilera eraman zuten gorpua, baina Espainiako Poliziak debekatu zuen ikusi ahal izatea. Azken unean, aurpegia ikusteko estalkia kendu zioten bertaratuek. Gau hartan, zenbait pertsona hilerrira joan, gorpua hilobitik atera, hilerriko etxetxo batera eraman, han tortura frogatzen zuten argazkiak atera eta berriro hilobian sartu zuten.