Aste honetan 13TV Espainiako telebista kate eskuindarreko El Cascabel saioan parte hartu zuen Jose Amedo Foucek.
Espainiako polizia ohia eta GALeko kide esanguratsu honek, 1983-1987 artean hainbat euskal herritar hil zituen erakunde paramilitar horri buruzko liburua idatzi du. Cal viva izena du liburuak eta bertan estatu-terrorismoarekin lotura izan zuten politikari, polizia eta epaileen izenak aho bizarrik gabe aipatzen ditu. Besteak beste titular hauek utzi ditu 7 urtez kartzelan izan den Amedok:
- Espainiako Erregearen oniritziarekin sortu zen GAL.
- Gaur egun PSOEn goi kargua duten asko GALeko parte izan ziren, Alfredo Perez Rubalcaba buru.
- Baltasar Garzon epaileak niri eta Michel Dominguezi txantaia egin zigun Felipe Gonzalezen kontra deklaratzeko.
- ETAko zuzendaritzaren bilera bat hegazkinez bonbardatzea pentsatu genuen, Felipe Gonzalez jakitun zela.
- Enrique Casasen hilketari mendeku hartzeko Santi Brouard hil zuen Espainiako Gobernuak.
- Santi Brouarden hilketa agintzeko bileran Txiki Benegas eta Ramon Jauregi zeuden.