Joare soinuak somatzen hasiak dira Aurtitz, Ituren eta Zubietan
Egunotako puska biltzeen ondotik, astelehenean Iturenen bilduko dira joaldunak eta mozorroak eta asteartean Zubietan
Inauteriak gain-gainean ditugu eta Ituren, Aurtitz eta Zubietan joare soinuak somatzen hasiak dira. Ortzegunean puskak bildu dituzte etxez-etxe Ituren eta Aurtitzen, baina Zubietan, igandean aterako dira lehen aldiz puxkak biltzera. Hala ere, astelehena eta asteartea izaten dira egun haundiak, eskean ez ezik joareak eta mozorroak ere desfilean ibiltzen direnak.
lbeltzak 29, ASTELEHENA
Goizean, gosaldu eta indarrak harturik, Zubietako joaldun, mozorro eta karrozek iturendarrak bisitatuko dituzte. Halere, bide erdian, aurtiztarrekin elkartzeko eta salda beroa hartzeko geldialdia eginen dute. Iturenen bertakoekin bildurik, mozorro artean eta joareen soinupean ibiliko dira herritar eta bisitariak.
Ilbeltzak 30, ASTEARTEA
Bezperako bisita itzuliko diete aurtiztar eta iturendarrek, Zubietako plaza hankaz goiti paratzeko momentua izanen da.
Ilbeltzak 31, ASTEAZKENA
Zubietan, Ituren eta Aurtitzen ez bezala, kontuak egiteko eguna izaten da. Goizean goiz, puskak biltzen ibili ondotik, gosaria izanen dute. Bazkaldu ondotik, berriz, kontuak eginen dira. Arratsaldean, giroak lagunduz gero, joareak jantzi eta harat honatean ibiliko dira joaldunak. Aurtiztar eta iturendarrak ere, etxez etxe ibiliko dira joaldun eta trikitilariekin. Iluntzean, afariak izanen dira elkarteetan.
Otsailak 3 eta 4, larunbata / igandea
Kontuen eguna larunbatean izaten da Iturenen eta igandia Aurtitzen. Iturenen mahaiaren bueltan bilduko dira, Miren Amuriza eta Julio Sotorekin, Herriko Etxeko ganbaran. Aitzinetik herriko dantzarien saioa eta herritarren arteko Herri Kirol lehia izanen dira. Bazkaldu ondotik, dantzaldia izanen dute, afarira bitarte. Aurtizen xaharren afaria eginen dute igandean.
Albiste hau Erranek argitaratu du eta CC-by-sa lizentziari esker ekarri dugu ARGIAra.
Pasa den ostiralean izan zuen istripua Eneko Rekarte Oteiza 44 urteko langileak. Eraikin bateko balkoian eguzki oihal bat jartzen ari zela, erori eta buruan kolpea hartu zuen. Donamariakoa zen.
Eguneko isiltasuna hautsi eta inauteri seinalea egiteko Zubietako joaldunak bildu dira urtarrilaren 1ean Iturengo plazan.
«Euskal Herria ezagutzen laguntzeko asmoarekin egiten dugu, ez etekin ekonomikoa ateratzeko» adierazi du aurkezle lesakarrak.
Suitza, Letonia, Kroazia, Kantabria, Polonia, Sardinia, Malerreka… Europako txoko askotan bizirik iraun duen erritoa. Bakoitzak bere molde, jite, soinu eta erritmora egokitua. Gurean mende luzez Ituren eta Zubietan baizik gordetakoa, egun Euskal Herriko herri askotara... [+]
Nahiz eta ospakizunen antolaketan parte ez hartu, beraien eskumenen barrenean animalien babesari buruz indarrean dagoen araudia betetzea zainduko dutela adierazi dute.
Basoko fauna eta bertako biztanleak babesteko 1993 Foru Legeari jarraiki legez kanpokoa da hildako animaliak erakustea. Foruzaingoak abiatu du ikerketa, gertatutakoa argitzeko.
Pirataz, Niko Etxartez edo atez ateko zintzilikarioz disfrazatzean, zein garen ez dugu ezkutatzen. Beste era batez agertzen gara. Mozorroa janzteak, aldiz, gu garena alboratzea dakar, ezezagun bilakatzea. Horregatik aurpegia estaltzea edo beltzez margotzea da bizirik dirauten... [+]