Eskolak irekitzen diren bitartean, jantokiko beka zeukaten ikasleek elikagaiak jasoko dituzte, bai elikagai loteen bidez edo dendetan erosketak egin ahal izateko txartelen bidez. Banaketa hau bideratzen dutenak hauek dira, elkarlanean: Gurutze Gorriko boluntarioak, Hezkuntza eta Eskubide Sozialen sailak.
2.000 erosketa txartel banatu dira Iruñea inguruan eta gainerako zonaldeetara 1.000 elikagai lote banatu dituzte: adin txikiko batek bi astez jan ahal izateko bestekoak dira lote hauek. Bi aste hauek pasatutakoan, erosketa txartel bana emango zaie, hurrengo 15 egunetarako.
Elikagaiak jasotzeko familiek ez dute tramiterik egin beharko. Beka jasotzen zuten ikasleen gurasoekin harremanetan jarriko da Gurutze Gorria, elikgaiak edo txartela jasotzeko hitzordua jartzeko.
Eskolek itxita iraun bitartean
Neurri hauekin apirilaren 16tik 31rako epeari erantzungo zaio. Horren ostean eskolak ireki ez badira, luzatu egingo da elikagai lote eta txartelen sistema, egoera berezi honek irauten duen bitartean.