Jai herrikoien aldeko kalejira egin dute ehunka lagunek Iruñean
Jai herrikoien aldeko kalejirak Iruñeko Alde Zaharra zeharkatu du larunbatean ehunka lagunen babesarekin. UPNk Jai Batzordeari bere ekimenak aurrera eramateko baimenak ez dizkiola eman salatu eta "auzotik eta auzoarentzako" jaiak aldarrikatu dituzte.
San Fermin Txikito jaiak antolatzeko oztopoak jarri dizkio aurten ere Iruñeko Udalak Alde Zaharreko Jai Batzordeari, besteak beste, Auzogunea muntatzeko debekuarekin. Gabriel Viedma Hiritarren Segurtasuneko arduradunaren azalpenen arabera, San Fermin Txikitoren antolakuntza Iruñeko Udalaren esku geratzen delako ez dute eman baimenik.
EH Bilduk UPNren erabakia kritikatu eta “kaleen jabe sentitzea eta modu horren baztertzailean” aritzea salatu du. Halaber, ostiralean mozioa aurkeztu zuen Osoko Bilkuran, Arartekoaren gomendioei kasu egin eta Jai Batzordeari beharrezko baimenak ematea eskatuz. Izan ere, abuztuaren amaieran Arartekoak Auzogunea muntatzeko beharrezko baimenak emateko eskatu zion Iruñeko Udalari.
Oposizioko talde guztien babesarekin atera da aurrera mozioa. UPNk Arartekoari bezala, Osoko Bilkurari entzungor egiten badio ere, antolatu dituzten 125 ekimenekin aurrera egingo dutela adierazi du Jai Batzordeak. Hala ere, egoera hobeto aztertzeko auzo batzarra deitu dute astearte arratsaldean, Bullicio Pamplones Peñan 19:30ean.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.