Itziar Ituñoren kontrako boikota arbuiatu du Zinemaldiak
Donostiako Zinemaldiko zuzendari Jose Luis Rebordinos “boikot guztien aurka” agertu da ostiral honetan, festibalaren 65. Edizioa aurkezteko ekitaldian.
Naizek jaso duenez, Itziar Ituño aktoreari elkartasuna adierazi dio Rebordinosek, baita “beren ideiengatik, direnak direla, munduko edozein herrialdetan” jazartzen dituzten beste aktoreei ere.
Zinemaldiaren 65. edizioaren aurkezpen-ekitaldia baliatu du Rebordinosek azken asteetan sortutako polemikaren inguruan iritzia emateko: euskal presoen alde egindako adierazpenenegatik Ituñok parte hartzen duen La casa de papel telesailaren aurkako boikot kanpaina abian jarri zuten.
Aste honetan bertan, Euskal Aktoreen Batasunak Ituñoren aldeko agiri bat publikatu du, egoerarekin “haserre eta kezkatuta” daudela adieraziz.
“Konfrontazio ideologiko librea” defendatu du Rebordinosek
Jaialdiko arduradunek ez dutela inoiz boikotetan parte hartzerik onartu esan du, eta orain ere ez dutela egingo.
“Partekatzen ez ditugun ideiak hitz eginez eztabaidatu behar dira, konfrontazio ideologiko libretik eta errespetutik”, Rebordinosen arabera. Bere ustez, “ezin dira filmak epaitu, ezta obra artistikoak ere, haietan parte hartzen duten pertsonen arabera”.
Jendeak barre egin nahi du, eta negar; sentitu, emozionatu. Beharbada horregatik irabazi du tragikomedia batek Publikoaren Saria.
James Francoren Urrezko Maskorra, Anahí Berneriren eta Sofía Galaren zilarrezkoak eta Handiak jaso duen Epaimahaiaren Sari berezia dira aurtengo palmares ofizialeko puntu nabarmenenak.
Jendeak barre egin nahi du, eta negar; sentitu, emozionatu. Beharbada horregatik irabazi du tragikomedia batek Publikoaren Saria.
James Franco zuzendariaren The disaster artist filmak irabazi du Donostiako Zinemaldiko film onenaren Urrezko Maskorra. Jon Garaño eta Aitor Arregiren Handia filmak Epaimahaiaren Sari Berezia eskuratu du.
Bai, zaharrek ere desio sexuala dute, eta bizitzaz gozatu nahi dute, maitasunaz. Eskubidea dute erokeriaren bat egiteko, euren kabuz erabakitzeko, aske izateko… eta gustuko ditugu hori guztia gogorarazten diguten filmak.
Dena iritsi behar da, goizago ala beranduago, amaierara: maitasuna, gerra, filmak eta aurtengo Sail Ofiziala. Der hauptmann alemaniarrarekin itxi da lehiaketa ostiral goizean, erretirada prestatzen hasi da prentsa, baina larunbatean palmaresa ezagutu arte, apustuak egiteko... [+]
Sail Ofizialaren azkenaurreko egunean izen bat nagusitu da: James Franco. Zuzendu eta protagonizatu duen The disaster artist filmak publikoaren algarak eragin ditu.
Dibortziatu eta bakoitza bere aldetik zoriontsu izan nahi dute, baina euren bizitzak berregin ahal izateko zama bat kendu behar dute gainetik: semea. Posible al da ama batek, aita batek, haien semea ez maitatzea? Galdera batzuek erantzun konplexua dute.
Kotxean zoaz, autobidetik. Aurretik doan ibilgailua zure arrebarena dela ohartu zara. Aurreratzea erabaki duzu, klaxona jo eta agurtzeko.
The Goonies eta Indiana Jones. Nire umeetako film kuttunenak zeintzuk diren galdetuz gero, horiek nire bi erantzunak.
Normaltasuna fikzio eskuraezina da, baina ustezko normaltasun hori lortu nahian gabiltza denok. Happy End filmean, goi-mailako familia burges protagonista ere normala da… itxuraz.
Garrantzitsuena ez omen da nondik zatozen, nora zoazen baizik, baina Zinemaldiko Sail Ofizialaren seigarren egunean ikusi ditugun filmetako protagonisten kasuan, jatorriak erabat baldintzatzen du beraien istorioek izango duten bilakaera.
Dokumental dibertigarri, ero, sinestezin eta surrealista honen protagonista absolutua, karisma harrigarria duen Julita dugu.
Ogia eta atzamarra labana berarekin mozten direla dio esaera zaharrak eta Zinemaldiaren Sail Ofizialean hori gertatu da: egun berean etorri dira film onentsuenetakoa eta errefusaren ontzian botatzekoa.
Sutsua, gerrillaria, pasionala da 120 battements par minute, Act Up taldearen aktibismoa bezalatsu.