Kanpezu, Hernani edo Gasteizko ikastetxeetan antolatu dituzten itxialdien irudiak dira albiste honetan jaso ditugunak, Steilas, LAB eta ELA sindikatuek zabalduak. Borroka fase berrian da hezkuntza publikoa eta presioa egin nahi dio Eusko Jaurlaritzari, hainbat punturen gaineko negoziaketa bultzatzeko: hezkuntzan egiten den inbertsioa, irakasleen behin-behinekotasuna edota gela bakoitzeko ikasle kopurua, besteak beste.

Cristina Uriarte Hezkuntza sailburuak berriki egin duen eskaintza sindikatuen eskaeretatik oso urrun dagoela adierazi dute hauek, eta ondorioz mobilizazioek aurrera jarraitzen dute. Azaro eta abendu artean, bost greba dituzte aurreikusita.