Istiluak izan dira Georgiako Birkiani herrian, bertako herritarrek erresistentzia antolatu baitute Pankisi haranean eraiki nahi dituzten hiru presa hidroelektrikoren aurka. Alazani ibaian eta ur edangarriaren erretserbetan eragingo dituzten kalteak salatzen dituzte.
Proiektuak ingurumenean eta nekazaritzan izango dituen eraginek beldurtuta, Pankisi haraneko herritarrek aurre egin diote poliziari asteburuan. Egitasmoaren atzean Txinako Estatuaren jabetza den "East Sichuan Energy Company" dago. Hilabeteak dira Birkianiko bizilagunak presa berri hauen kontra protestan ari direla, baina igandean talka gertatu zen, langileak joan baitziren lanak abiatzera poliziak lagunduta.
Bideo honetan protestan parte hartu zuten herritarrak elkarrizketatu dituzte. Adierazi dutenez, goizean goiz entzun zuten poliziak eta langileak bertaratu zirela. Protesta egitera joan zirenean, poliziak agente gehiago bidaltzea erabaki zuen, eta agente horiek izan ziren tiro egiten lehenak. Istiluen ondorioz, 17 herritarrek eta 34 agentek zerbitzu medikuak behar izan zituzten. Georgiako Barne ministroa ere bertan izan zen, poliziei lagundu asmoz.
Bideoan ikus daitezke adin guztietako herritarrak poliziari aurre eginez.
Géorgie: affrontements et résistance des habitant.e.s près du village de Birkiani pour protéger la vallée de Pankisi contre la construction de trois barrages hydroélectriques, vu leur impact probable sur la rivière Alazani et les réserves d'eau potable https://t.co/OkQfcy19zK pic.twitter.com/jd1RBWc62g
— Ter-Ter et Liberté (@TerTerEtLiberte) 2019(e)ko apirilaren 22(a)