Israelgo poliziaren bozeramaileak –Micky Rosenfeld– berak baieztatu zuen asteazkenean bertan emakumearen heriotza. Erasoa arma bat zuela esanez justifikatu du Israelgo poliziak, baina ondoren baieztatu dute ez zeramala ezer, euritakoa baizik.

Biktima Hadassah ospitalean hil zen, eta bideoan ikusten da polizia agenteek ez zutela emakumea lagundu urdailean tiroa eman ostean. Laguntzera joan zirenak ere gerarazi zituzten.

Erasoaren ostean, poliziek checkpoint-a itxi zuten, eta lanera zihoazen palestinarrak bertan itxaroten geratu ziren. Langile hauek berauek izan dira emakumeak labanik ez zuela baieztatu dutenak, eta argi utzi dute eskuetan zuena euritako bat zela.

Qalandiako checkpoint-a

Jerusalem eta iparraldeko Zisjordaniaren artean dagoen checkpoint hau Palestinako estrategikoenetarikoa da israeldarrentzat, ekialdeko Jerusalenera eta Israelera doan jendea kontrolatzeko balio baitu.