“Fosforo txuriz Gaza setiatuta eta 300 haur palestinar kartzelan dituen herrialdeko enbaxadorea, non eta Gernikan paseatzen”. Honela salatu dute Komite Internazionalistek Daniel Kutner Israelek Espainian duen enbaxadoreari Bizkaiko Batzar Nagusietako presidenteak egindako harrera.

Ana Otaduik Gernikako Juntetxean jaso ditu Kutner enbaxadorea, Yinam Cohen eta Hagit Mualem. Ekonomia eta Kultura kontseilariak dira azken biak, hurrenez hurren. Eraikina bisitatu ostean, ohorezko liburua sinatuta amaitu da ekitaldia; ordura arte, liburuko azken sinadura Palestinako enbaxadorearena zen.

Ongi etorria kritikatu dute zenbait politikarik eta erakundek, hain justu, Israelek Palestinarekiko duen jarreragatik. Besteak beste, Dani Maeztu eta Diana Urrea EH Bilduko legebiltzarkideek eta Komite Internazionalistek eta Askapenak arbuiatu dute Kutnerren bisita.

Diferentes maneras de recibir a un sionista en Euskal Herria. Una es de EH Bildu y la otra del PNV pic.twitter.com/K8LsJaEvFp

— Dani Maeztu (@DanielMaeztu) 6 de julio de 2016

 

Entrevistando al embajador israelí en @radioeuskadi como si sería un país "normal" hablando de economía, turismo... #BDS #PalestinaAskatu

— K Internazionalistak (@Komiteak) 6 de julio de 2016

 

Donostian ere izan da

EH Bilduk jakinarazi duenez, Donostiako alkatearekin ere batzartu da Israelgo ordezkaria. Koalizio soberanistak Twitter bidez azaldu du “sekretupean” bildu direla Kutner eta Eneko Goia. Horrez gain, salatu dute “bilkura ez dela iragarri alkatearen agenda publikoan”. Bilera arbuiatzeko, EH Bilduk eta Irabazi Donostiak Palestinako bandera jarri dute udaletxeko balkoian.

Ser capital cultural por la paz y la convivencia y recibir al embajador de Israel es una contradicción @enekogoia pic.twitter.com/2iUZFAmHWN

— Irabazidonostia (@Irabazidonostia) 6 de julio de 2016

EH Bildu welcomes the Israeli ambassador with the Palestinian flag in the town hall of #Donostia (Basque Country) pic.twitter.com/aBQ8WnapmJ

— EHBildu Donostia (@HiriBizia) 6 de julio de 2016