Ustelkeriagatik Guardia Zibilak ikertutako Corsán enpresa, euskal AHTn lanean
Kataluniako abiadura handiko trenaren (AHT) Bartzelona inguruko lanetan ustez diru publikoa bidegabe erabiltzeagatik, Adif erakundeko eta Isolux Corsán-Corviam enpresako bederatzi goi-kargu atxilotu ditu Guardia Zibilak. Hain justu, EAEko AHTren lau zatitako obren arduraduna da aipatu enpresa. Haietako bat, Amorebieta/Etxano-Lemoa artekoa, %32,22 garestitu zen bi urtean, Iñaki Iriondo Gara egunkariko kazetariak nabarmendu duen moduan.
Adif-ek kudeatzen du Araba eta Bizkaia igarotzen dituen adarra, baita 'Bergarako lotunea' ere. Corsán enpresaren esku daude, bestalde, Jaurlaritzaren menpeko Tolosa-Hernialde eta Zizurkil-Andoain eta Espainiako Gobernuaren menpeko Amorebieta/Etxano-Lemoa eta Elorrio-Atxondo zatietako obrak.
Elorrio-Atxondo zatiaren 2,6 kilometroek 45,7 milioi euroko kostua dute. Aldi baterako enpresa-elkarte (ABEE) zabalago baten akziodun maioritarioa da Corsán enpresa, Garako kazetariak dioen bezala.
Iriondoren hitzetan Amorebieta/Etxano-Lemoa zatiaren kasua da deigarriena: 2007an 45 milioi euroko kostua bazuen, 2009an 59,5 milioi eurora arte handitu zen, aurreikusi gabeko esleipen gastuek bultzatuta bereziki. Era berean, lanak 2011 amaieran bukatzea aurreikusi zuten, baina obretan daude oraindik, bukaera-data zehatzik gabe gainera.
Guardia zibilak ikertzen ari diren irregulartasunak 2007-2009 epekoak dira, hain justu.
Tolosa-Hernialde arteko 3,8 kilometroak 104,7 milioi eurotan esleitu zitzaizkion Corsán-ek eta beste enpresa batek osatutako ABEEri. Zizurkil-Andoain zatiko 4,97 kilometroek 180 milioi euroko kostua dute; Corsán eta beste lau enpresa biltzen dituen ABEE baten esku daude.
Bi lehiaketak irabazi zituzten ABEE horien eskaintzak ez ziren merkeenak. "Balore judizioen" arabera neurtzen diren ezaugarriengatik hautatu zituen Patxi Lopezen Jaurlaritzak. Zentzu horretan, AHTren esleipenetan kontratatzailearen iritziak gehitxo balio duela-eta, Herri Kontuen Euskal Epaitegiak adierazi du "gomendagarria" litzatekeela puntuazio-sistema berraztertzea.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]