Iruñeko gaztetxeko batzarrak “irteera positibo bat” eskatu dio Nafarroako Gobernuari
Agiri batean dio Exekutiboak konpondu behar duela arazoa, Iruñeko “udaletxeari ardura pasa gabe”. Interneten bidez Gaztetxearen aldeko sinadurak biltzeari ekin diote.
Lore Etxeak eta Euskal Jaik oinordeko berria dute. Larunbatean Iruñeko Konpainia karrikako 5 atariko eraikina okupatu zuten, gaztetxe berria egiteko asmoz. Edo, okupatzaileen batzarrak atzo plazaraturiko agiriaren hitzetan, “egungo eredu sozioekonomikoari alternatibak bilatzeko eta parte hartzean, elkartasunean, eta auzolanean oinarritutako erlazioak gauzatzeko espazio autogestionatu bat eraikitzeko asmoz”.
Ez dute Udala gatazkan sartzerik nahi
Gaztetxeko batzarrak agirian dio Gobernuarekin harremanetan jarri dela, eta negoziatzen ari direla. Halaber, zehazten du Gobernuari dagokiola “irtenbide positibo bat” bilatzea, eta ez Udalari: “Ez dugu uste inondik inora, udaletxeak gatazka honetan ardura zuzena daukanik”, nabarmendu dute. Atentzioa ematen du agiriak birritan nabarmentzen duela hori bera. Gobernuak “bere ardurak har ditzala gure proiektua aintzat hartuz eta udaletxeari ardura pasa gabe”, dio beste pasarte batean.
.jpg)
Eraikinaren jabea Nasuvinsa enpresa publikoa da, eta etxebizitza sozialak ditu. Egun ez ziren erabiltzen. Nolanahi ere, Gaztetxeko batzarreko eledun Irantzu Matxainek Euskalerria Irratiari azaldu dionez, “egoera onean daude, lurra eta leihoak ongi daude”.
“Gobernuari ez zaio okupazioa gustatu”
Gaztetxeko Batzarreko eledun Irantzu Matxainek Euskalerria Irratiari adierazi dionez, Nasuvinsako gerentearekin eta Miguel Laparra kontseilariarekin harremanetan jarri dira. “[Okupazioa] ez zaie batere gustatu, baimenik ez dugulako eskatu eta legeak markaturiko bidetik atera garelako. Une politikoa aldatu da, eta guk aldaketa hori erakundeetan ez ezik kalean ere atzematea espero dugu”, azaldu du.
Matxainen arabera, oraingoz beste harremanik ez dute izan ez agintariekin ezta agintarien mendeko poliziekin ere: “Uniformedunik ez da hurbildu”. Gaztetxea 23:00etan ixten dute, eta 40tik gora lagunek igarotzen dute gaua barruan; eta goizeko 9:00etan zabaltzen dituzte berriro ateak. Eraikinaren parean infogunea zabaldu dute, informazioa banatzeko eta kamisetak saltzeko.
Sostengu eskean
Matxainen arabera, duela sei hilabete hasi ziren okupazio hau prestatzen. Lehenik eta behin erabaki behar izan zuten zein bide segi: administrazioari lokala eskatu ala okupatu. Okupazioaren bidearen alde egin zuten, “gobernu ezkertiarrak izan arren, mugimendu autonomoa izan behar delako”.
Okupazioa behin gauzaturik, orain sostengua biltzeari ekin diote hemen.
Oharra: Albiste hau Euskalerria Irratiaren webgunetik ekarria da lizentzia libreei esker.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]