Iruñeko Aberri Egunean gazteentzako gunea Gazte Abertzaleen eta Independentisten eskutik
Gazte Abertzaleak gazte antolakundeak martxoaren 27ko Aberri Eguneko ekitaldiak direla eta, Independentistak Sarearekin batera “Gazteon borroka etorkizuneko bide!” lelopean Gazte Karpa antolatu du.
Manifestazioaren ondoren zabalduko dute gazte karpan musika eta jai giroa izango dira nagusi.
Aberri Egunean "gazte euskaldun orok eguna musika eta aldarrikapenarekin jai giroan ospa dezan" antolatutako ekimenaren aurretik, 12:00etan, Golemetatik abiatuta manifestazioa eginen dute. Gero, 14:00etan irekiko dute karpa DJ Majarisen musikarekin.
15:00etatik aurrera berriz, Ze Esatek! taldearekin hasiko dira kontzertuak eta Bad Soundekin jarraituko. Txosnan bokatak ere salgai izango dira.
Ospakizunaz gain, Gazte Abertzaleen ekimena aprobetxatu nahi du Independentistak plataforma egiten ari den lanari "merezi duen garrantzia emateko".