Israelgo lehen ministro Benjamin Netanyahu eta AEBetako presidente Barack Obama bildu egin ziren atzo, Iranen aurkako balizko erasoaz hitz egiteko.
Bien arteko aliantzak sendo jarraitzen duela argi utzi nahi izan zuten arren, Netanyahuk adierazi zuen "bere patuaren jabe" dela Israel eta prest dagoela bakarrik erasotzeko Iran, "edozein mehatxuren aurrean bere kabuz defendatzeko gaitasuna" izan behar duelako Israelek. Aldiz, Obamak errepikatu zuen oraindik diplomaziaren bideari eusteko aukera dagoela, gerran sartu aurretik.
"Denok dakigu israeldarren ikuspuntutik onartezina dela arma nuklearrak dituen eta Israel suntsitzearen alde dagoen herrialde bat egotea", esan zuen Obamak. Hala ere, AEBek Israelen segurtasunarekin duten konpromisoa "harkaitza bezain sendoa" dela gaineratu zuen Obamak, eta "aukera guztiak mahai gainean" daudela.