Renek gainditu du 2005eko errekorra: aurten Atlantikoan sortu den 17. ekaitz indartsua izan da. Atlantikoko urakan sasoia ere bereziki aktiboa izan da 2020an, eta bai, aldaketa klimatikoarekin badu zerikusia.
Izatez, Rene ekaitza Afrikako kostaldean sortu zen egun berean beste ekaitz bat sortu zen Atlantiko erdialdean: Paulette. Bi, egun berean. Urte normal batean, ohikoena da abuztu aurretik izendaturiko bi ekaitz sortzea Atlantikoan, baina aurten dagoeneko bederatzi dira izendaturiko ekaitzak, errekorrak hautsiz.
Adituen arabera, Atlantikoko eta Karibeko ur-azaleko tenperatura epelagoak dira arrazoia, haizearen baldintzekin uztartuta. Gizakion jardueragatik atmosfera eta ozeanoaren gainazala berotzen ari dira eta horrek ere eragina du, urakan suntsitzaileagoak sortzeko baldintza egokiagoak ahalbidetzen baitira.