Enpresa ezagunek itxierak eta murrizketak iragarri dituzte azkenaldian Euskal Herrian. Altzairuaren iazko krisiarekin gertatu bezala, industria sarearen ahultasuna agerian geratu da eta administrazioak darabilen politika ezbaian dago berriz.
CNAk Euskal Herrian dituen lantegietako produkzioa eten egin du. Fagor Etxetresna Elektrikoen hondarrak hartu zituen konpainiak kolokan jarri du 350 laguneko lan-taldea, ez du 30entzako kaleratze espedientea atzera bota eta bideragarritasun planik ere ez dauka. Laino beltzak eta mobilizazio egunak ikusten dira ortzi-mugan.
Fagorrez gain, Xey, General Electric, Ingemar edota La Navalek erregulazio espedienteak, itxierak eta geldialdiak iragarri dituzte, EAEko industria sarea dardaraziz. ELAk eta LABek gogor salatu dute Urkulluren exekutiboak duen erantzukizuna egoera honetan, Jaurlaritzak enpresa horietako zenbaitetan dituen partizipazioak saldu baititu eta pribatizazio eta deslokalizazioak ekarri, euren esanetan.
“Eusko Jaurlaritzaren Politika Industrial bakarra multinazionalen esanetara jartzea da. Gure herria low-cost lurralde moduan saltzen dute atzerrian” adierazi du ELAko arduradun Unai Martinezek. Administrazioari “zinismoz” jokatzea ere leporatu dio “inbertsoreen ihesaz” hitz egitean ez duelako esaten, adibidez, “CEL enpresatik ihes egin duen inbertsorea Eusko Jaurlaritza dela”.
Politika industriala versus AHT
Josu Erkoreka Jaurlaritzako bozeramaileak “kezka” azaldu zuen asteartean baina nabarmendu zuen “orokorrean egoera ona” erkidegoko ekonomian. Arantza Tapia Industria sailburuak, berriz Jaurlaritza “laguntzeko” dagoela esan zuen, baina ez “enpresa pribatuak ordezkatzeko”. Adierazpen horiek LABen berehalako erantzuna ekarri dute. Bere “ezintasunaren” isla dela uste du sindikatuak: “Eusko Jaurlaritzarentzat, industria politika onena ez dagoena da, oso neoliberala da”.
Zentral abertzaleak gogorarazi du industriarako aurreikusitako gastua AHTra bideratzen dena baina askoz baxuagoa dela. Hain zuzen, sailburua gaur bilduko da Madrilen Espainiako eta Nafarroako gobernukideekin Abiadura Handiko Trenarentzako konexio eta obra gehiago aztertzeko.
Oposizioa ere gogor
EAEko gobernuari kritikak ez zaizkio soilik lan eremutik etorri, arlo parlamentarioan ere oposizioan dauden taldeak gogor salatu dute exekutiboak daraman bideaz: “Zezenak behin eta berriz harrapatzen du”, esan du Iker Casanova EH Bilduko legebitzarkideak.
Ez da lehen aldia Jaurlaritzak legegintzaldi honetan azalpenak eman behar izaten dituena bere industria ereduaz, iazko urtean altzairugintzan Arcelorren hondamendiak ere ekarri zuen tankerako ika-mikarik.
Elkarrekin Podemosek bilkura monografikoa egitea eskatuko du Legebiltzarrean industriaren egoeraz eztabaidatzeko.
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Martxoaren 8aren atarian, menopausiari buruzko artikulu-sorta bat argitaratu du The Lancet medikuntzan espezializatutako aldizkariak. Laburpenean gogorarazi duenez, menopausia munduko populazioaren erdiaren bizitzaren etapa saihestezina da, baina esperientziak asko aldatzen dira... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]