Indarkeria matxistari lotutako 1.762 salaketa jarri dituzte lehen hiruhilekoan, Hego Euskal Herrian
Iazko lehen hiruhilekoan baino %6,82 salaketa gutxiago dira jarritakoak, Hego Euskal Herriko epaitegietan. Dena den, martxoan ezarritako alarma egoerak epaitegien jardunari eragin diola onartu du Botere Judizialeko Genero Indarkeriaren Aurkako Behatokiak.
Argazkia: Aritz Loiola / Focus
Nahiz eta alarma egoerak ez zuen ekarri martxoan emakumeen kontrako indarkeriaz arduratzen diren epaitegiak gelditzea, pandemiak eragina izan duela eta adibidez etxean erasotzailearekin konfinatuta egon diren emakumeek ezin izan dutela salatu dio Behatokiak.
Kasurik gehienetan biktimek eurek egin zuten salaketa, eta bestela senideek.