Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka batean lo jarraitzea erabaki baitu. Otsailaren 27an izango da Ostegun gizena eta martxoaren 4a Inaute asteartea. Orduan bukatuko dira festa gehientsuenak, horren irudikapen dira sutan bukatzen duten panpinak. Martxo bukaerara arte, ordea, ez dugu agurtuko libertinaje eta libertimendu sasoia.

Hemen duzue 2025. urteko inauterietako oinarrizko egutegia. Baina gogoratu inauteriak bihurri samarrak izaten direla, festa nondik nora dabilen ez dagoela larre motzean lotzerik. Egin kontu, beraz, inora joan aurretik ospakizunak baieztatzea komeni dela, eta hala ere, aurreikuspenak ez direla beti betetzen... baina hori gustatzen zaigu inauterietatik, ez?

2025ean hauek izango dira inauteri data nagusiak

• Otsailaren 27a, Ostegun gizena, Eguen zuri, Orakunde, Urdelardero, Emakunde, Otsalbiko, Sasikoipetsu,...
• Otsailaren 28a, Ostirala, Ostiral mehea, Barixaku erregularra...
• Martxoaren 1a, Larunbata, Inaute larunbata, Zaldunita bezpera...
• Martxoaren 2a, Igandea, Igande-inautea, Inaute-igandea, Zaldunita...
• Martxoaren 3a, Astelehena, Astelehen-inautea, Astelehenita...
• Martxoaren 4a, Inaute-asteartea, inaute-asteartea, Asteartita, Asteartiñabete, Aratuste martitzena...

Inauteriak 2025 egutegia

• Ituren, Aurtitz eta Zubieta: Mozorroak eta Joaldunak

Urtarrilak 28, asteartea

• Zubieta, Aurtitz eta Ituren: Mozorroak eta Joaldunak

Otsailak 8, larunbata

• Donostia: Kaldereroak
• Kuartango: Porreroak
• Beskoitze: Kaskarotak

Otsailak 9, igandea

• Donostia: Inude eta artzaiak
• Beskoitze, Kanbo: Kaskarotak
• Ligi: Maskaradak

Otsailak 13, osteguna

• Arantza: Mozorro zuriak

Otsailak 14, ostirala

• Arantza: Mozorro zuriak

• Igantzi: Puska biltzea ostirala

Otsailak 15, larunbata

• Andoain: Axerien puska biltzea
• Arizkun, Erratzu: Gizakunde
• Itsasu, Uztaritze: Kaskarotak
• Pagola: Maskaradak

Otsailak 16, igandea

• Itsasu: Kaskarotak
• Donapaleu: Amikuzkeo libertimendua

Otsailak 22, larunbata

• Bera: Kaldereroak
• Ziordia: Zomorro, pezkin eta artzain
• Lizartza: Puska biltzea eta inauteri dantzak
• Arano: Zomorroak, puska-biltzea eta zahagi-dantza
• Oiartzun: Ihote-dantzak, intxixuak eta sorginak
• Eibar: Koko marruak baserriz-baserri eskean eta koko-dantzak
• Ilarduia, Egino eta Andoin: Lastozko gizona
• Igantzi: Puska biltzea
• Iruñeko Kauterak
• Beskoitze, Uztaritze, Itsasu: Kaskarotak
• Añorga: Dibertimentua

Oharra: Gogoratu, erreferentzia moduan erabiltzeko dela egutegi hau, izan ere, egutegia argitaratzeko orduan hainbat ospakizun ezin izan ditugu konfirmatu, inauteri asko azken orduan antolatzen baitira (batzutan gertatu arte ez baita jakiten egingo denik ere...), beraz, inora joan aurretik konfirmatu. Zerbait zuzendu edo osatu nahi izanez gero utzi erantzuna azpian. Ongi pasa inauteriak!