Iñaki Caminok “Amiküze eskualdeko euskara” ikerlana aurkeztu du Donapaleun
Iñaki Camino hizkuntzalari eta EHUko irakasleak otsailaren 4an aurkeztu du Donapaleun Nafarroa Behereko eskualde horretako hizkuntzaz egina duen azterketa, “Amiküze eskualdeko euskara”, laster liburu formatuan plazaratuko duena. Hitzaldi honekin hasi ditu Zabalik euskaltzaleen elkarteak urteroko Otsail Ostegunak, 21ean -igandez- Donapaleluko plazan Libertimendua herri antzerkiarekin bururatuko direnak.
Urte luzez aztertu duen Amikuzeko euskara Caminok aurkeztu zuen Donapaleu hiriaren inguruan auzoko Zuberoako eta Hazparne-Oztibarre-Arberua baxenafartarretako euskalkien mende luzez ondutako hibridazio gisa, auzokoen ezaugarri asko bildu dituena baina aldi berean nortasun berezi bat duena. Amikuzeko eta eskualde inguruko herri guztietan aurkitu eta elkarrizketatu du lekuko bana Caminok, eta Amikuzekoak dauzkan berezitasunak kasik etxez etxe nola aldatzen doazen erakutsi du, hitzaldi erudito bezain entzun errazean, hiztun zaharrei bildutako grabazioen pasarte batzuekin ilustraturik.
Hizkuntzalaritzan 1980ko hamarkadan oso gazterik hasi zen Camino, garai hartan eta luzaz ARGIArentzako kolaborazio mamitsuak ere eskainiz. Iruñerriko eta Aezkoakoak bezala Amikuzeko euskalkia ere beti interesatu zaio, hitzaldian esan zuenez, euskalki indartsuagoen mugetan garatu diren heinean. Amikuztarrek –eta entzuleek berretsi zuten irakasleak esana- halako konplexu batez gutxietsi izan dute berena, Zuberotarrek ez bezala, euskara benetan onak zirelakoan Garazialdekoa edo Hazparnekoa.
Zabalik euskaltzaleen elkarteak 20. aldiz antolatutako Otsail Ostegunak ekitaldietako lehenbizikoa izan da, ondorengo ostegunetan Naroa Anabitarte, Katixa Dolhare, Bea Salaberri eta Txerra Rodriguez mintzatuko dira. Otsailaren 21ean Donapaleuko plaza eta karriketan Libertimendua eskainiko dute, inauteri giroko herri antzerkien artean interesgarrienetakoa dena.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Maddi Kintanak Baiona, Angelu eta Miarritzeko gazteen euskara aztertu du bere tesian. Hitz berriak sortzen dituzte baina baita hitzak beste hizkuntzetatik hartzen ere, besteak beste, interneten eraginez.
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.