13.000 ikasle kalera atera dira Hego Euskal Herrian erreformen aurka
Ikasleak kalera atera dira Hego Euskal Herrian unibertsitate erreformaren barruan berriki dekretu bidez onartutako 3+2 sistemaren aurka protesta egiteko, Ikasle Abertzaleek deituta. LOMCE eta Heziberri ere jomugan dituzte ikasleek.
Iruñea, Bilbo, Donostia eta Gasteizez gain, herri eta eskualde mailako mobilizazioak ere izan dira. “Erreformei planto, eraikuntzara salto” lelopean 13.000 ikasle kalera atera dira hezkuntza erreformen aurka egitera, Ikasle Abertzaleek jakinarazi dutenez.
Iruñean 4.000 ikaslek atera dira kalera antolatzaileen arabera. Gasteizen istiluak izan dira Ertzaintzarekin eta ikasle bat anbulantzian eraman behar izan dute. Guztira 3.500 ikasle batu dira bertan. Donostian 1.500 izan dira kalera ateratako ikasleak.
Bilbon 3.500 ikasle inguru atera dira kalera. 11:30ean zeukaten deialdia egina Arriaga plazatik, San Mameseko eta Sarrikoko fakultateetik ateratzeko. Zutabeak 12:15etan Moyua plazan elkartu dira.
Bilboko manifestazioaren kronika
“Hezkuntza herritik eta herriarentzat” eta “kapitalismoa hezkuntzatik kanpora” oihuak entzun dira zutabeetan. Manifestazioa Ikasle Abertzaleek deitua bazen ere, beste ikasle eragileek deialdiarekin bat egin dute.
12:30ak aldera abiatu da “Erreformei planto, eraikuntzara salto. 3+2 EZ” pankarta buru zuelarik.
Hiru zutabeak bat eginik, Eusko Jaurlaritzako Hezkuntza delegaritzaren aurreraino. Bertan txalo artean, pankarta nagusia zutabeetakoekin batera hezkuntza delegaritzaren albo batean jarri dira. Ikasle Abertzaleetako bi kidek hitza hartu dute. Hezkuntza erreformak “ongizate estatuaren aurkako ofentsiba neoliberala” dela salatu dute.
“Erreforma hau 1999an martxan jarritako estrategia oso baten bigarren partea da. Boloniako adierazpenekin hasi zen eta argi izan behar dugu estrategia 2020ren barruan kokatzen dela. Helburu argia du: hezkuntza sistema osoaren pribatizazioa”. Bolonia prozesua hizpide izan dute ikasleek eta “ikasle borrokaz” Bolonia prozesua urtebete atzeratu zutela gogoratu dute.
Graduak gero eta garestiagoak izanik, unibertsitateko ikasketak gero eta jende gutxiagok ordain ditzaketela salatu dute: “Aski da! Gure ordua iritsi da. Gurea eraikitzeko eta borrokatzeko garaia da. Ikasleen eta herriaren mesedetara dagoen hezkuntza nahi eta behar dugulako”.
“Alternatiben beharra aldarrikatzen dugu, horiek baitira egoera honetatik ateratzeko modu bakarra. Kaleak bete behar ditugu, baina era berean, gaur hemen batu dugun haserre eta amorrua antolatu behar dugu”, adierazi dute. Era berean, datozen asteetan ikasleen unibertsitatea eraiki eta praktikara eramateko aldarria egin dute: “Hurrengo asteetan har ditzagun gure unibertsitateak, goazen gure eredua eraiki eta praktikara eramatera!”
Horrez gain, Espainiako Estatuko ikasleek ere kaleak hartu dituzte Herrialde Katalanetan, Galizian, Andaluzian, Aragoi eta Gaztelan.
Ikasle Abertzaleen izenean martxoaren 17ra arteko dinamiken eta eguna beraren balorazioa plazaratu dute. Jarraian irakurgai.
“Ikasle baterajotze nazionala” deitu dute Ikasle Abertzaleek martxoaren 17an, Euskal Herriko herrialde guztietako borrokak bateratzeko asmoz.
Milaka ikaslek Bilboko karrikak hartu dituzte erreformei aurre egiteko Bizkaiko Ikasle Abertzaleak, Bilboko eta Leioako ikasle mugimenduak deitutako greba egunean.
Joan den astean, kalera atera ziren ikasleak, dagoeneko egosten ari diren unibertsitate erreformaren aurka protestatzeko. Erreforma oraindik aurkeztu ez bada ere, Espainiako Gobernuak eskatutako adituen txostenean oinarrituz hona laburrean aurreikus ditzakegun hainbat puntu.
“Armiarmak lehoi bat hiltzeko gai izaten dira beren sareak batzen dituztenean”, dio esaera etiopiar batek. Batasunak indarra omen dakar.
Espainiako Gobernuak unibertsitateetan 3+2 plana ezarri nahi duela-eta, otsailaren 26an kalera aterako dira ikasleak, Ikasle Abertzaleek deituta.LOMCEren aurka ere aterako dira, Espainiako Estatuko trantsizio garaitik egingo den 13. hezkuntza erreforma dena.
Otsailaren 26an ikasleak kalera aterako dira, LOMCE, EU2015 unibertsitate erreforma eta berriki dekretu bidez onartutako 3+2 sistemari aurre egiteko, Ikasle Abertzaleek deituta.
Unibertsitateek graduko ikasketak lau urtetik hirura murriztu eta graduondokoak urtebetetik bira luzatzeko aukerari ateak zabaldu dizkio Espainiako kongresuan PPk onartu berri duen dekretuak. Erabakiaren kontra agertu da Euskal Herriko hezkuntza komunitatea.
Desobedientziaz Irauli! Astea egin dute ikasleek, datorren unibertsitate erreformaren aurka. Manifestazio eta protesta ekintzez gain, txostena, bideoa (ikusi behean), asanblada informatiboak, tailerrak eta hitzaldiak antolatu dituzte, erreformaren arriskuez ohartarazteko... [+]
Unibertsitate Erreforma aurrera ateratzeko estrategiaren barruan kokatzen dute Ikasle Abertzaleek azaroaren 27an onartuko den EHUren berrantolatze organizatiboaren lehen fasea, "aldaketa sakonagoei bide emateko lehenengo keinua". Erreforma "Boloniaren... [+]
Ostegun goizean bi polizia operazio izan dira Hego Euskal Herrian. Batetik, hainbat ikasle atxilotu dituzte Iruñean, martxoaren 27ko grebarekin lotuta. Bestetik, Bilbon hiru pertsona atxilotu ditu Ertzaintzak, dirudienez, Troikaren Aurka Martxoaren 3an izandako... [+]
Greba eguna da gaur, osteguna, Hego Euskal Herriko ikastetxe eta unibertsitateetan. LOMCE legearen aurka eta hezkuntza nazionalaren alde atera dira kalera ikasleak, IAk deituta.