Euskaraz bizi eta ikasteko eskubidea egi bihurtzeko aldarria lau haizetara zabalduko da Erriberako herri honetan Sortzen-ek antolatutako jaian.
Urteak dira Sortzen elkarteak, guraso eta bertako eragileekin batera, zonalde diskriminatuko jaia antolatzen dutela. Faltzesekoa 6. edizioa izanen da. Artaxoan hasi eta Larraga, Mendigorria, Bilatorta eta Oibarren ospatu ostean. Zonalde “ez Vascofonoan”, D ereduan haurrak matrikulatzeko beharra aldarrikatzetik sortu zen jai hau, hainbat gurasoen eskariz.
Aurtengoa zertxobait ezberdina izanen da, “Vascuencearen legea”ri zirrikitua ireki baitzaio urteetako lanari esker. Euskaraz ikasteko eskubidea Nafarroa osora zabaltzeko aldarrikapenarekin antolatu dute aurtengo jaia.
Pasa den asteburuan, aldarrikapen honi eremu diskriminatutako zinegotzi eta alkate batzuek atxikimendua erakutsi zioten. Kaseda, Zangotza, Iratxeta, Lodosa, Abarzuza, Miranda de Arga, Leotz eta Oteitzako eledunak izan ziren.
Eguneko egitarauari dagokionez, adin guztiendako ekimenak izango direla iragarri zuten prestatutako jai gune ezberdinetan:
Foru Plazan:
. 10etan, hamaiketakoa eta dianak gaitariekin herrian barna.
. 11etan, makaia dantza taldearen emanaldia.
. 12etan, Faltzeseko musika bandaren irteera “el piloneraino”.
. 12:30etan, “neskak gara eta zer?” zirko ikuskizuna.
. 13:30etan, eskertza ekitaldia: euskara herria josten ari gara !. Baigorria abesbatza, Uharteko dantzariak eta makaia dantza taldea, eta Faltzeseko joteroak.
. 16etan, dantzaldia: Nunca es tarde (Faltzesekoak)+ Marianitoz Blai+ Trikidantz
. 20etan, garbiketa auzolana.
Herri bazkaria:
. 14:30ean, Faltzeseko pilotalekuan. bonoak 10 euro.
Gizarte Etxeko Plazan:
. 10:30etatik 18:00etara, hamarratz txokoa, puzgarriak eta mural herrikoia.
. 11:00etatik 13:00etara, euskaraz mintza (haurrentzako jolasak).
. 11:00etatik 14:00etara, tailerrak.
. 16:30ean, ginkana: “Faltzes ezagutu dezagun”.
. 18:00etan, zonaldearen itxiera eta garbiketa auzolana.
La Aurora plazan:
. 10:30etatik 14:30etara, kaiku txokoa: tailerrak.
. 10:30etatik 14:30etara, herriko astoekin paseoan.
. 10:30etatik 14:30etara, txalaparta tailerra.
. 11:30etan, zigor magoa
. 12etan, kantu eta jolasak.
Karrikadantza eta animazioa:
. Visonaren zentroa irekita egongo da (erakusketa, bideo emanaldia, bisita gidatuak … )
. 10:30etatik 14:30etara eskulangileen azoka herriko kaleetan.
. 11:30etan, txalaparta ibiltaria foru plazatik.
. 11:30etan, Faltzeseko eta argako mirandaren erraldoien irteera gizarte etxetik.
. 12:00etan, Orreaga fundazioko kantuz herrian barna.
. 12:00etan, gurpiletako zezentxoen bilkura eta kalejira: dantzariak (Faltzes eta Uharte), Iruñerriko zanpantzarrak, xapiru trikitixa eskolako trikitilariak, ...
Oharra: Ahotsa.info-tik ekarritako albistea Creative Commons lizentziei esker. Originala hemen.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.
Erdialdeko Euskal Jaia larunbatean ospatuko da Tafallan egun osoko eta adin guztietarako egitarauarekin, euskarak eta bere kulturak Erriberriko merindadean daukan errotzea erakusteko helburuarekin.
Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.