Unibertsitateko Indar Batasuna (UIB) eta Ikasle Abertzaleak (IA) taldeek eskatu dute, batetik, poliziak unibertsitateko campusetara sarbidea debekatuta izatea; eta bestetik, EHUk ardura hartzea gazteei ezarri dizkieten isun ekonomikoei aurre egiteko, "bera izan delako horren erantzule".
Abiatu da mobilizazioa "Ez, ez, ez, errepresiorik ez!" oihuekin batera pic.twitter.com/5YwkZ0TNwj
— Unibertsitateko Indar Batasuna (@UIBnazionala) February 10, 2022
"Ia urtebete igaro da EHUk aspaldiko errepresio bortitzenarekin zigortu gintuela lan politikoa egiteagatik", azaldu dute UIBk eta IAk. "Sarri aipatu dugun moduan, pasa den kurtsoan antolatzeko behar beharrezkoa den eta ebatsi ziguten espazio baten alde borrokatzeagatik EHUk errepresio polizialez erantzun zuen. Honek argi erakusten du Errektoreordetzak ez duela benetako negoziazio mahai bat eratzeko inolako konpromiso errealik. COVID-19aren aitzakiapean kendu ziguten bilerak egiteko, eta orohar, lan politikoa egiteko erabiltzen genuen azpiegitura".
Gogorarazi dute ehunka euroko isunak jaso dituztela hainbat kidek; 20.000 eurokoa orotara. "Hori gutxi balitz, askatasun politikoarekiko urraketak etengabegoak dira: mobilizaziora dei egiten zuten kartelak apurtzera bidali dituzte segurtasun-langileak eta aurreko astean, ertzaintza unibertsitatera sartu zen inpunitate osoz".
"Errepresio politikoa eta askatasun politikoen etengabeko urraketa hauek" unibertsitatearen "elitizazio prozesuaren" baitan kokatu dituzte. "Honetan sakontzera datoz bai LOSU zein bizikidetza lege berria deritzon erreformak. Horregatik martxoaren 24ko ikasle grebara batzeko deia ere luzatu nahiko genuke".
Gaur goiz-goizetik hasi dira Ibaetako militanteak piketeak burutzen. Askatasun politikoen alde mobilizatzeko deialdia egin dute. "Indar polizialak Campusetik kanpora!" pic.twitter.com/IqMUGi75Dw
— Unibertsitateko Indar Batasuna (@UIBnazionala) February 10, 2022