Iaz 58 langile hil ziren Euskal Herrian
LAB sindikatuak egiten duen kontaketaren arabera, sei egunetik behin langile bat hil zen iaz Euskal Herrian. Osalanen eta Nafarroako Gobernuaren estatistiken arabera, urtarriletik azarora guztira 46.451 lan istripu izan ziren iaz Hego Euskal Herrian.
Euskal Herrian izandako lan-istripuetan 58 pertsona hil ziren iaz, LAB sindikatuak emandako datuen arabera. Zehazki, hamasei Gipuzkoan, hamaikana Nafarroan eta Araban, bederatzi Bizkaian, bost Lapurdin eta sei Euskal Herritik kanpo lanean ari zirela.
Eusko Jaurlaritzako Osalanek eta Nafarroako Gobernuak lan istripuen inguruko estatistikak argitaratu dituzte, ElDiario.es hedabideak jaso duenez. 2022ko datuekin alderatuta, EAEn 46.451 lan istripu izan ziren 2023ko urtarriletik azarora bitartean, horietatik 38 istripu hilgarri eta 225 istripu larri zenbatu zituzten. baja eragin zuten istripuak %1,2 igo ziren arren −aurreko urtean baino 412 gehiago−, istripu larri eta mortalen kopurua gutxitu egin zen.
Nafarroako datuak jaso ditu Noticias de Navarrak, eta bertan, ordea, 2022ko datuekin alderatuta, jaitsi egin zen baja eragin duten istripuen kopurua, eta 182 gutxiago izan dira. Zehazki, 28 istripu larri gutxiago, eta 3 mortal gutxiago urtarriletik azarora bitartean.
Istripu arinek gora egin zuten EAEn. 29.768 izan ziren 2023an, 2022an baino 271 gehiago. Bestalde, lanera bidean edo lanetik bueltan gertatutako istripuak 3.667 izan ziren guztira: lau istripu mortal eta 23 istripu larri. 2022ko heriotza kopuru bera izan zen, eta istripu larriak zortzi gutxiago izan ziren EAEn. Hala ere, istripu arinak 129 gehiago izan ziren.
Istripuen intzidentziari dagokionez, sektoreka, eraikuntza izan zen tasarik handiena duen sektorea, eta ondoren industria, nekazaritza eta zerbitzuak. Nafarroan, ordea, industriaren sektorea izan zen nagusi.
Datu kontrajarriak
Sarritan, Osalanen datu ofizialak eta sindikatuek aurkeztutako estatistikak ez datoz bat. Horrek agerian uzten du arazo esanguratsua dela lan-eremuko istripu hilgarriak eta lanbide-gaixotasunak identifikatzea eta aitortzea, ElDiario.es-ek jaso duenez. Sindikatuek salatu dutenez, lan istripuetatik baztertzen dira arrazoi ez-traumatikoek eragindako istripu hilgarriak, hala nola bihotzekoak edo iktusak. LAB sindikatuak adierazi du gauza bera gertatzen dela langile batek lantokian bere buruaz beste egiten duenean.
Bestalde, Osalanek azpimarratu du kontuan hartu beharrekoak direla urte batzuk beranduago diagnostikatzen diren gaixotasun profesionalak. Nabarmendu dute horren adierazgarri direla, esate baterako, lan-inguruneetan amiantoarekin kontaktuan egotearen ondoriozko minbizi-kasuak. “Ebaluazio zehatzagoa” egin behar dela adierazi dute.
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.