2014an sortu zen I-Ener eta ordudanik 17 zentral fotovoltaiko jarri ditu martxan Euskal Herrian. Azkainen eta Baionan laster jarriko dituzte martxan instalazio berriak eta horiez gain beste lau eguzki plaka jarriko dituzte uda honetan: Sara, Donoztiri, Garazi eta Ortzaizen.
I-Enerrek azaldu duenez, tokian tokiko eragileekin garatzen dute eguzki plaken proiektua eta oinarri gisa eredu hau hartzen dute:
Eguzki plakak jarriko diren teilatua I-Enerren esku uzten da, 25 urterako. Inbertsioa I-Enerrek egiten du bere osotasunean eta zentralaren mantenimenduaz ere I-Ener arduratzen da. Alokairu sinbolikoa ordaintzen du I-Enerrek, urtean euro bakarrekoa teilatuko.
Proiektu hauei esker lortzen da energia berriztagarria ekoiztea tokian tokian.
Udan martxan jarriko dituzten lau proiektuak aurkezteko lau bilkura publiko antolatu dituzte eta I-Enerrek lurraldeko herritar eta profesional guztiak gonbidatu ditu, joan daitezen "gure deskubritzera, abiaraziz herritar inbertsio deialdi berri bat sustengatzeko energia berriztagarriak eta tokiko garapena".