Joseba Asiron alkate izateko zentsura mozioa erregistratu dute EH Bilduk, PSNk, Geroa Baik eta Zurekin Nafarroak. Asironek berak sinatu du dokumentua eta EH Bilduk momentu hori jaso eta zabaldu du.
"Hemen, goiza konplikatzera natorkizu", esan du Asironek irribarre batez parean zuen udal langileari, aurrean duen dokumentuari begiratu eman aurretik. Boligrafo bat eskatu ondoren sinatu du PSNrekin adostu duen zentsura mozioaren eskaera, Iruñean eta seguruenik Nafarroan ziklo politiko berri bati hasiera emango diona abenduaren 28tik aurrera: "Yasta!" esan du amaieran.
EH Bilduk jaso du momentu hori eta X sarean zabaldu du bideo batez:
? @josebaasiron bozeramailea, Iruñeko Udalean PSNrekin adostutako zentsura mozioa sinatzen.
El portavoz Joseba Asiron registrando la moción de censura acordada con el PSN en el Ayuntamiento de Pamplona.#EtorkizunaGara pic.twitter.com/if5uAocl5n
— EH Bildu (@ehbildu) December 13, 2023