Baina azokatik haratago, iazko edizioan liburu gehien saldu zituen egilea omendu eta saritu du Hondarribiko Udalak aurten. Erreginaren Baluartea ikur duen Hondarribia Saria, Josu Zabaleta itzultzaileari eman dio eskura alkateak goiz honetan. Itzultzaileak, euskal literatura eta itzulpengintzaren ekarpenaz gogoeta interesgarria utzi digu. Baina alkateak ere, sektore horretatik datorrela gogoratu nahi izan du, saria gogoz ematen zuela nabarmenduz.