Espainiako Gobernua homeopatiaren aurka egiten ari den kanpaina salatuko dute ostiralean, 18:30etan Arriagan deitutako elkarretaratzean.
Similia, Euskal Herriko Homeopatiaren Erabiltzaile eta Lagunen Elkarteak deitu du mobilizaziora, Espainiako Gobernua “denon diruaz” bultzatzen ari den kanpaina salatzeko. Azaldu dutenez, “homeopatia, berau darabilten profesionalak zein pazienteak difamazioa, intoxikazioa eta jazarpena” pairatzen ari dira.
Elkarteak publiko egindako idatzi batean dioenez, kanpainak baditu zenbait interes, “ilunak bezain agerikoak”. Hala bada, horren kontra mobilizatzeko deia zabaldu du.