Hizkuntza aniztasuna bermatzeko protokoloa landuko du Kontseiluak Donostia 2016n
Hizkuntzen arteko berdintasuna nazioartean bermatzeko protokolo bat ezarri nahi du Kontseiluak eta Donostia 2016k sustatuko duten Europako Hizkuntza Aniztasunaren Goi Bilerak.
Asteartean aurkeztuko dute datorren urteko abenduan egingo den goi bilera eta Donostiara etorriko dira talde antolatzailean parte hartuko duten nazioarteko eragileetako kideak.
Proiektuak helburu gisa hartu du hizkuntza aniztasuna bermatzea, elkarbizitzarako funtsezko oinarri gisa –hain zuzen elkarbizitza da Kultur Hiriburuaren proiektuak hasieratik sustatu nahi izan duen balore nagusietako bat–. Helburu hori lortzeko bidean, desabantailan dauden hizkuntzen garapenerako tresna eraginkorra izan nahi du goi bileran onartuko den protokoloak.
Antolatzaileek garrantzi handia eman diote Euskal Herrian azken hamarkadetan euskara garatzeko egiten ari den ahalegin kolektiboari eta goi bilera berezko errealitate horretatik abiatuko dela aurreratu dute.
Gizarteak jarriko duen mugarria
Giza Eskubideen Aldarrikapen Unibertsaletik abiatzen da egitasmoa: hizkuntza gizakiaren oinarrizko eskubide gisa aitortzen duen neurrian, hizkuntza aniztasuna pertsonen eskubide guztien defentsarako ekarpen gisa ulertu behar litzateke antolatzaileen ustez.
Hori dela-eta, 2016ko goi bilerak mugarria ezarri nahi du, erakundeei hizkuntza aniztasunaren garapenerako neurri zehatzak proposatuz. Gizarteak hartuko du protagonismoa egitasmoan, erakunde publikoetatik harago dagoen gune batean sortuko baita hizkuntza aniztasuna sustatzeko tresna.
Bartzelonako Deklarazio Unibertsalaren garapena
Datorren urtean 20 urte beteko dira Bartzelonan Hizkuntza Eskubideen Deklarazio Unibertsala aurkeztu zenetik. Gizarte zibilaren ahalduntzearen ondorio historikoa izan zen adierazpen hura: herritarren ekimenari esker hizkuntza eskubideen garrantzia mahai gainean jartzea lortu zuten.
Adierazpen hark jasotako printzipioak hartu eta garatuko dituzte 2016an Donostian, eguneroko praktikarako tresna bihurtuz. Kultur Hiriburuaren nazioarteko oihartzuna baliatu nahi dute egitasmoa ikusgarri egiteko. Goi bileraren ondoren Donostiako Protokoloa mota guztietako erakundeek hizkuntzekin hartzen duten konpromisoaren erregulatzaile izango da.
Proiektuaren garapena
2016ko goi bilera abiapuntutzat jo dute Kultur Hiriburuko bulegoak eta Kontseiluak. Datorren urtea amaitzen denean, Donostiako Protokoloak jarraipen batzordea izango du dokumentua nazioartean berretsia izan dadin, baita hizkuntzekiko praktiken gainean funtzio arautzailea bete dezaketen guneetara hel dadin ere.
Informazio gehiago:
Zein da zein Donostia 2016ko hizkuntza aniztasunaren goi bileran? Ezagutu talde antolatzaileko sei nazioarteko erakundeak.
Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]
Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]
Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]
Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.
Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.
Jaurlaritzarentzat momentu egokia dirudi probatzeko ea kulturaren gauza honek balio duen normalizazio sozial eta politikoa lortu izana poltsikoratzeko ere.
Europako hizkuntza gutxituetako hiztunen eskubideak bermatzeko sortu da Donostiako Protokoloa. Kursaal Jauregian egin dute honen aurkezpena. Kontseiluak eta Donostia Fundazioak sustatutako proiektuak 185 neurri ditu bere baitan.
Larunbatean, 11:30ean hasita zuzenean ikusi ahal izango da zuzenean ARGIAn.
Hizkuntza Eskubideak Bermatzeko Protokoloa Europako 50 bat hizkuntza komunitatetako ehundik gora eragilek sinatu dute. Abenduaren 17an, ekimenaren bultzatzaileek, Donostia 2016 Europako Kultur Hiriburuak eta Kontseiluak, Donostian aurkeztuko dute. ARGIAk streaming bidez... [+]
Espetxeetan eta zentro psikiatrikoetan dauden pertsonek egindako lanak biltzen dituen erakusketa batetik erretiratu ditu antolakuntzak euskal presoei zegozkienak: "Biktimei min eman diezaiekegu".
Donostia 2016 Europako Kultur Hiriburutzak zentsuratutako lan batzuk Antiguako Txantxarreka gaztetxean jarriko dituzte ikusgai larunbatean.
Espetxeetan eta zentro psikiatrikoetan dauden pertsonek egindako lanak biltzen dituen erakusketa batetik erretiratu ditu antolakuntzak euskal presoei zegozkienak: "Biktimei min eman diezaiekegu".
Donostiako udaletxearen aurrean protesta egin dute kolektibo eta eragile ugarik deituta, Demokrazia Zuzenaren Foro Globalaren irekiera ekitaldia baliatuz. “Donostia ez da eredugarria demokrazian, Donostiako Udalak jardunaldi hauen aurkezpenean dioen bezala”.
Donostiako udaletxearen aurrean protesta gisa kontzentrazioa deitu dute azaroaren 16an hiriko hainbat taldek: Satorralaia, Errausketaren Aurkako Mugimendua, SOS Miracruz 19, Stop Desahucios, Eleak/Libre, LAB. EH Bildu eta Ahal Duguk ere babesa adierazi dute. Egun horretan... [+]