Umeek norbere gorputza hobeto ezagutzeko eta gorputzarekin jolasteko liburua argitaratu dute Juan Kruz Igerabide idazleak eta Ainara Azpiazu ilustratzaileak: Nire gorputzean bizi naiz. Poema, asmakizun eta hitz-jolasen bidez, norbere gorputza sentitzera gonbidatzen du liburuak.
Gorputz atalez, gorputzaren hotsez, garapenaz, azaletik barrura sentitzen ditugunez… haurrekin mintzatzeko aitzakia ederra jarri dute Igerabide eta Azpiazuk. Musikalitatea du oinarri, errimak eta hitz-jolasak, eta haurtzaroan funtsezko diren bi zutabe jartzen ditu erdigunean: gorputza eta jolasa.
IkasElkarrek argitaratua, etxerako erosteko aukeraz gain ikastetxeetan ere Haur Hezkuntzan lantzeko baliabidea izatea da asmoa.