Hiru urte eta erdiko kartzela eskatu dute AHTren aurkako bederatzi ekintzailerentzat
2009ko abenduaren 22an Olentzeroz jantzitako zortzi lagunek Barakaldoko Megaparken trafikoa moztu zuten AHTren, Supersurren eta kontsumismoaren aurka protesta egiteko. Ekintzan parte hartu zuten bederatzi pertsona deklaratzera deitu dituzte Barakaldoko auzitegira. Zortzi parte hartzeagatik, eta bat laguntzeagatik.
Egun horretan, zortzi pertsona Olentzeroz mozorrotu, eta bidoi batzuetara kateatu ziren Barakaldon dagoen Megapark merkatal zentroko sarbideetan. Kontsumismo “basatiaren” eta egitura erraldoien aurkako protesta egitea zen euren helburua.
Auto ilara handiak sortu ziren. Ertzaintza bildu zen jendearen aurka oldartu zen, hamar pertsona atxilotu eta beste hiru identifikatu zituzten.
Fiskalak hiru urte eta erdiko zigorra eskatu du. Bi urte desordena publikoengatik, eta urte eta erdi trafiko segurtasunaren aurkako delitu batengatik.
Auzitegiaren erabaki “neurrigabearen” aurka protesta egiteko, eta auziko kideei elkartasuna adierazteko bi elkarretaratze deitu ditu AHTren aurkako koordinakundeak. Lehena, urriaren 5ean 19:30etan izango da Bilboko Plaza Biribilean, eta bigarrena, hurrengo egunean 9:30etan Barakaldoko auzitegiaren aurrean.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]